Home Deporte Fayecimento di un gran futbolista Arubiano cu a yuda e isla sali...

Fayecimento di un gran futbolista Arubiano cu a yuda e isla sali Sub-Campeon na El Salvador

1669
0
SHARE
- Advertisement -

Benny Geerman

ORANJESTAD (AAN): Aruba a perde un gran futbolista den persona di Bernard Joseph Geerman mihor conoci como “Benny”.

   E maestro riba tereno di futbol a nace na Aruba 20 di Augustus 1937, y ya como hoben e tabata gusta futbol y tambe softball.  Pues el a practica ambos deporte.

   Benny tabata un deportista disciplina, corecto, y hopi agil.  E tabata forma parti entre otro di e equipo San Nicolas Jr., tambe team di La Fama.

   Na aña 1959 Benny a forma parti pa reforza  e equipo di futbol Aruba Juniors cu a participa na un Torneo na El Salvador, y ey tambe esnan cu a reforza e seleccion tabata entre otro Mai Mateo, Watty Vos, Doc Williams, Juancho Pablo, Oswaldo Loli, Jose Boye, Maiky Vos, Chio Brion, Luis Fingal, Fon Paula.

   E equipo aki cu e hungadornan menciona a bolbe Aruba como Sub Campeon 1959.

   DIARIO Deportivo ta gradici Rudy Hoek (porcierto ex hungador di RCA) y Dito Mateo pa a facilita datonan di Benny Geerman.  Riba e potret por mira e team di 1959, y e flecha ta indica Benny Geerman.

   Na señora Catharina  Geerman Croes y yiunan, nieto y bisanieto nan, rumannan ta bay palabranan di condolencia y forza na famianan.

- Advertisement -

DUNA COMENTARIO

Please enter your comment!
Please enter your name here