Home Parlamento Fast Track pa proyecto di cultivo di cannabis y pa elimina red...

Fast Track pa proyecto di cultivo di cannabis y pa elimina red tape

49
0
SHARE
- Advertisement -

ORANJESTAD (AAN): Diaranzon mainta durante Reunion di Parlamento, e miembro Ricardo Croes di Partido RED, a haci pregunta riba e sistema nobo cu Gobierno a introduci, pa elimina red-tape y acelera cualkier proyecto cu e sistema di “Fast Track”.

   Den pasado, Ministro a mustra cu Fast Track no kiermeen cu ta kibra procedimentonan cu tin di tene cuenta cune huridicamente.  Pero si ta agiliza y haci e proceso mas rapido, teniendo na cuenta tur e aspectonan aki.

   Tambe a tene cuenta cu e ‘deviezentoets’ unda Banco Central tambe ta hunga un rol den e proceso aki pa cuida cu no tin hopi placa ta saliendo afo, y percura pa pueblo haya trabao, y cu nan tambe ta wordo stimula den esaki pa bay traha.

   E seis sectornan importante den policy di economia pa e desaroyo di Fast Track ta (1) Turismo, (2) Knowledge Economy, (3) Agricultura, (4) Logistica, (5) Circular Economy, (6) Creative Industries.

   A ser poni riba schedule, pa cultivo di cannabis tambe bay den e proceso di Fast Track.

   Pa e motibo ey mes, e Parlamentario kier a haya sa pa ki tempo e Fast Track lo ta aplicable pa cuminza cu cultivo di cannabis na Aruba.

   Parlamentario Dellanire Maduro tambe a haci pregunta si acaso ta bay haci algo pa elimina e red-tape cu tin keto bay pa negoshinan nobo por habri na Aruba.

   Prome Ministro Evelyn Wever-Croes, a splica cu den e Task Force di Fast Track a pone aspecto y importancia riba eliminacion di red tape den Gobierno na beneficio di comercio.

   Pues e Fast Track anuncia, no ta djis pa proyecto nobo, pero tambe pa mira con pa corta red tape y demas burocracia den Departamentonan. 

   El a splica cu aki Ministro di Husticia tambe ta hopi envolvi den esaki, y ta pa elimina procesonan cu ta dura hopi luna, y cu comerciantenan nobo cu a haya permiso y ta bay aplica pa habri negoshi, tabata haya nan cu e dolor di cabez pa warda hasta entre 15 pa 18 luna prome cu haya e vergunning.

   Pero awor cu e Fast Track, esaki ya caba a wordo reduci na 3 luna.

   E asuntonan di Cannabis tambe, tin di atende mas legislacion pa asina percura pa tur cos ta netchi poni.  Pues tin di keda cla cu cierto leynan prome cu por keda cla cune, pero toch Fast Track lo bay yuda hopi, y kizas hasta lo por presenta e tratamento di leynan aki prome cu Parlamento bay cu recess.

   E plan di Gobierno ta pa haci esaki un pilar economico, y Ministro kier hacie bon.

- Advertisement -

DUNA COMENTARIO

Please enter your comment!
Please enter your name here