Home General Famoso presentador di TV Venezolano Guillermo Gonzalez ta den estado grave

Famoso presentador di TV Venezolano Guillermo Gonzalez ta den estado grave

146
0
SHARE
- Advertisement -

Algun media a plama informacion falso cu el a muri

ORANJESTAD (AAN): E animador carismatico y hopi stima di hopi tempo na TV Venezolano, esta Guillermo “Fantastico” Gonzalez ta hospitaliza na Spaña.

   Informacion nobo ta mustra cu e ta hibando un bataya aworaki pa su bida.

   Desde Dialuna 29 di Juni den oranan di madruga caba algun informacion a cuminza circula cu el a muri.  Pero su sobrina Daniela Dager a desmenti cu el a fayece.  El a bisa si cu e ta den situacion grave di salud.

   Guillermo Gonzalez a nace na Islanan Canaria como 75 aña pasa. Como mucha el a bay biba na Venezuela, y ey el a desaroya su carera como actor den telenovela y presentador den shownan na TV.

   Tin indicacion cu Guillermo ta sufriendo di cancer di pancreas, y no tin cura pa su condicion.  E ta interna na Hospital djis sperando kico e malesa lo haci cu su curpa.  E condicion ta serio y irreversible.  Ta djis un cuestion di tempo, y lamentablemente no tin circunstancia pa mehora su salud.

   Tur hende na Venezuela como tambe Aruba ta corde pa su actuacion den novelanan manera “El Derecho de Nacer”, “La Usurpadora”.  El a actua den e novelanan aki di RCTV hunto cu Raul Amundaray, Doris Wells, Eva Moreno.

  Tambe e ta conoci pa e forma cu el a anima programanan na RCTV, manera “Viva La Juventud” na 1976 unda el a debuta como animador, y e programa a bira e prome cu a sigui pa 3 aña sigui.   Na 1979 el a cuminza cu e show “Fantastico” cu ta e programa maratonico di RCTV, y den esaki nan a crea “¿Cuanto Vale El Show?”, despues a bira un show riba su mes.  Su famoso dicho tabata “Rolo e’vivo” ta keto bay den mente di su fanaticonan cu awor ta lamenta e situacion di salud cu e ta pasando aden, y nan ta haciendo oracion pa su salud.

   El a bira mas famoso cu e show ‘Fantastico’ di RCTV, y pesey el a hasta haya e apodo di Guillermo ‘Fantastico’ Gonzalez.

 

- Advertisement -

DUNA COMENTARIO

Please enter your comment!
Please enter your name here