Home General Ex Minister Otmar Oduber ta entrega denuncia pa kehonan falso, difamacion y...

Ex Minister Otmar Oduber ta entrega denuncia pa kehonan falso, difamacion y calumnia

992
0
SHARE
- Advertisement -

El a bay Recherche y lo entrega denuncia na OM 

“Puntonan di acusacion ta totalmente falso”

ORANJESTAD (AAN):   Ex Minister Otmar Oduber a acudi dialuna atardi na Oficina di Recherche na Wayaca pa asina entrega un keho oficial contra di e grupo cu ta carga e nomber di ‘Stichting Nos ta Aruba’.

Den su declaracion na prensa, Otmar Oduber a expresa cu 6 luna pasa den luna di December el a entrega su retiro como minister y e mes a bay dedica na su propio interesnan trahando den sector priva, despues di un trayectoria largo den politica.

Oduber a laga sa cu diadomingo atardi el a wordo sorpresa door di miembronan di prensa puntrando pa un keho cu lo a wordo entrega contra su persona.

Pa e motibo ey, el a papia cu su abogadonan  ya cu ta trata akinan di kehonan falso, calumnia contra su persona y pa purba di mancha su nomber y di otro personanan cu a wordo menciona den e documento.

Segun Oduber, e documento aki ta carece di seriedad y puntonan di acusacion cu ta totalmente falso. El a referi na algun cu ta entre otro un tereno cu a wordo duna sin bay destaho publico. El a remarca cu tur hende sa na Aruba cu ningun tereno ta wordo duna sin bay destaho publico. Tur tereno ta un peticion y un proceso cu ta wordo encamina via DIP.

Den e declaracion no ta papia e berdad ‘at all’ den e denuncia cu tin. Asina mes tin un cantidad mas, den e casonan di terenonan di waf, cu ta papia di terenonan cu a wordo otorga.

“Mi persona en todo caso no a otorga ningun tereno riba tereno di waf. Ni ta corda cu mi a haya un peticion pa wordo entrega tereno riba e tereno di waf corda pa mi duna optie pa un tereno eynan”, e ex minister a expresa.

El a referi tambe na un acusacion relaciona cu e compara di un incinerator na un balor di 300 miyon y cu lo tin 20 miyon cu un hende lo mester a cobra p’e. A indica cu e no ta kere cu un hende ta warda un incinerator di 300 miyon den un container of den un caha akinan na Aruba.

Otmar Oduber a señala cu e destaho publico pa cu esaki a tuma lugar hunto cu profesionalnan di entre otro WEB, y henter un comision cu a wordo lanta cu conseho di Hulanda, Merca. No a conclui cu ningun hende lo a haya e destaho publico pa un incinerator manera ta wordo treci dilanti.

E ex mandatario a remarca cu ta yega un punto cu mester stop di biaha na e tipo di cosnan aki. El a cuminsa traha cu su propio compania di consultancy den luna di Februari y hopi hende a mira e trabao cu el a haci y cu ta dun’e e confiansa pa por eherce e trabao aki a base di su estudio y pa loke semper el a traha p’e durante e ultimo 27 añanan.

Dialuna, Otmar Oduber a entrega un keho oficial riba e parti di kehonan falso, calumnia y difamacion di su persona na e grupo ‘Stichting Nos ta Aruba’ encabesa pa un voorzitter di Michael Williams.

El a agrega cu Hoofd Agent Tromp a indica cu te na e momentonan ey no tin un Hoofd Officier presente y cu e lo tuma contacto cu Sr. Roy Hodge, caminda cu Sr. Hodge a pidi pa e denuncia aki wordo haci por escrito y entreg’e na Ministerio Publico y esey ta e pasonan cu Oduber a bisa cu e lo cana pa por para e tipo di difamacion aki cu ta tuma lugar na Aruba.

Ta trata di 9 punto completamente falso y awe Otmar Oduber lo convoca un rueda di prensa pa asina bay den detaye riba e 9 puntonan aki pa mustra e ‘non sense’ cu tin patras di dje. 

 

      

 

- Advertisement -

DUNA COMENTARIO

Please enter your comment!
Please enter your name here