Home Gobierno Entrada di Gobierno via belasting ta cayendo drasticamente

Entrada di Gobierno via belasting ta cayendo drasticamente

681
0
SHARE
- Advertisement -

ORANJESTAD (AAN): Diahuebs mainta, Ministro di Finanzas mr. Xiomara Maduro a dicidi na splica pueblo directamente, kico ta e efectonan financiero cu ta bay spera Aruba e lunanan venidero.

   E impacto ta cu ta premira cu entrada di pais Aruba ta cayendo drasticamente.  Ya comparando Impuesto Directo April 2019 cu April 2020 (cu ta refleha loke ta e actividad economico di e luna anterior, esta Maart 2020) ta cu el a cay cu 26,3%.  Corda cu esey ta djis efecto di loke a pasa den di dos mitar di Maart 2020, ora cu apenas e ora ey e crisis di Coronavirus a start.

   Mirando cifra di Impuesto Indirecto di April 2020, por mira cu esey a cay cu 46,4%.

   Si check e Impuesto di Importacion y Accijns, esey a cay cu 62,3% den luna di Mei 2020 (compara cu Mei 2019).

   Ministro a splica cu e cifranan ey a bin di e luna anterior!  Y corda cu den Maart, ainda Aruba su Aeropuerto tabata habri, ainda tabatin turista den Hotelnan.  Asina mes e caida ta drastico.

  Bo ta mira pues con grandi e efecto lo ta riba entrada di Aruba!

   Gobierno a mustra tambe e efectonan cu e caida tin riba e seguridad social, como cu e ta hopi importante.  Gobierno a sali for di e punto di bista cu tin di cuida e fondonan di AZV y SVb, pasobra e grandinan mester por keda haya nan seguridad, y tambe debi cu esaki ta un crisis di Salubridad, percura pa AZV por sigui duna e asistencia necesario.

   Pero Gobierno a mustra cu e BAZV a cay cu 40,8% (April 2020), tambe e prima di AZV a cay cu 22,9% (April 2020), y prima di SVb a cay cu 22,7% (April 2020).

   E ta mustrabo cu tur ta e ingreso y primanan cu ta bay pa fondo di AZV, y pa fondo di SVb, tur tin un impacto riba dje. 

   Gobierno a splica, cu si SVb no haya e fondonan necesario, e por sobrevivi pa 3 luna so.  Despues di 3 luna e lo no tin fondo pa brinda asistencia.

   Pesey e urgencia pa a haya fondo fia di Hulanda pa yuda den liquidez di pais Aruba, ehecutando esey cu fondonan no djis pa yuda SVb y AZV, pero tambe pa cubri gastonan di gobernacion, subsidio di salario, asistencia di Fondo FASE, y asistencia na negoshinan chikito y mediano.

   E yudanza cu Gobierno ta ofreciendo na esnan cu ta perde trabao, yudanza na negoshinan chikito etc., ta bin di e presupuesto di pais Aruba.  Pesey den presupuesto tin di corta tambe pa haya fondonan necesario pa cubri e yudanza aki.

 

- Advertisement -

DUNA COMENTARIO

Please enter your comment!
Please enter your name here