Home General E responsabilidad di Aruba pa e turista!

E responsabilidad di Aruba pa e turista!

169
0
SHARE
- Advertisement -

E etapa nobo di e coronavirus ta crea peligernan nobo

*Cobertura di seguro medico pa biaha mester ta conoci

*Na hopi pais caminda pa Hues ta e prome solucion

ORANJESTAD (AAN) — Despues di e temporada di prome panico pa e coronavirus nobo, mundo henter a drenta un periodo nobo. Sobrevivi riba tereno economico, financiero y social, ta parti di e totalidad di problema personal cu ta presenta su mes.

E responsabilidad di Aruba pa e turista ta un topico cu sigur mester haya atencion pasobra hopi bes ta wordo lubida cu na momento cu un turista pone pia riba Aruba, e pais of su ciudadanonan y empresanan por haya nan mes den dificultad.

E ansha pa biaha sigur ta parti di e tension di keda cas. Habri porta, drenta un ambiente nobo, sigur ta parti di e deseo humano si financieramente esaki ta posibel.

Aki e prome problema ta presenta. Un persona cu den e situacion actual ta capaz pa biaha cu su placa, mester ta un persona cu un bon entrada loke den hopi caso ta nifica bon recurso riba tur tereno.

Kico por pasa cu un turista cu bira malo na Aruba?

Ta berdad cu gobierno ta tuma tur medida pa evita cu na momento cu habri portanan di Aruba, no ta importa e malesa.

E turista cu bini Aruba mester duna prueba cu e no tin e malesa, cu tin mas chens di bira sorpresa na momento cu toque de queda, shelter in place  y lock down pasa pa pasado.

Con prepara Aruba ta pa e berdad aki? Kico por pasa den un hotel si un turista resulta di a wordo contagia? Ki base legal tin pa e hotel defende su mes?

Por hari e ponencia aki, pero den exterior e caminda pa Hues ta mucho mas conoci cu na Aruba.

Bandona hotel y bolbe na e forma cu tin pa atende cu turista cu resulta di a desaroya e coronavirus na Aruba.

Cientificonan ta mustra cu no tin ningun regla cuanto tempo e virus ta warda pa e presenta. Estudionan no ta hopi avansa ainda.

Con prepara ta pa no solamente brinda asistencia medico pero evita cu otro turista ta den problema?

Un tempo sumamente exigente ta spera Aruba, cu mester splica poblacion tur loke por pasa na momento cu habri frontera y permiti turista sigur drenta.

Den sector di turismo ta conoci kico por pasa si un turista dicidi di crea un tormenta pa e sector hotelero.  Hasta na forma inhusto por tene e negoshi of pais responsabel.

Tin topiconan cu mester wordo discuti internamente pero tambe mester wordo presenta na publico pa asina tur hende cu ta brinda servicio na turista ta na haltura di problema cu por presenta.

Finalmente mester tene na consideracion cu Arubianonan tambe lo kier bay biaha. Pa kico nan mester prepara nan mes? Ki exigencia tin pa evita cu Aruba por bira responsabel y paga gastonan halto pa ciudadanonan den exterior?

Gobierno y tur sector cu tabata responsabel den e ultimo lunanan aki den e situacion di e coronavirus, a haci un tremendo trabou.

Mescos cu DIARIO a adverti ora e malesa a presenta, awe e ta spierta pa loke por pasa den e etapa nobo di un malesa cu ainda no a conoce culminacion na mundo!

 

- Advertisement -

DUNA COMENTARIO

Please enter your comment!
Please enter your name here