Home General E normal nobo di Aruba a wordo confirma na 2017

E normal nobo di Aruba a wordo confirma na 2017

127
0
SHARE
- Advertisement -

Aruba ta un pashent di halto riesgo pa loke ta Covid-19 

*Status Aparte di Aruba ya a cay for di brug sin vangrail

*PPP a mata hasta futuro di autonomia sigur te aña 2050 

ORANJESTAD (AAN) — Den un situacion mundial di preocupacion grandi, Aruba ta papia di un normal nobo.

Aruba ta papia poco laat di ceramento di e epoca pa cual e pais a lucha cu alma y curpa durante e segundo parti di Siglo 20.

Prome Ministro Wever-Croes tabata tin rason ora el a bisa Reino cu Aruba ta acepta e condicionnan Hulandes pa Aruba por a enfrenta e calamidad di e coronavirus nobo, cu actualmente ta destrui economia mundial y sigur paisnan caminda fantasia a reina.

Awe Aruba ta papia di un normal nobo, cu ainda mayoria di pueblo di Aruba no por visualisa. E situacion cu Aruba conoce na e momentonan aki, lo sigui bay atras y e unico forma cu por busca solucion ta, pa trata di activa economia mas tanto posibel den e pandemia total.

Cu poco palabra un analisis realistico ta conclui, cu e peliger cu miseria ta podera di Aruba, ta un menasa mucho mas sigur cu cualkier otro calamidad cu por presenta.

Aruba ta den un situacion sumamente serio. Pa comprende e situacion actual di Aruba mester analisa e forma cu menasa di e coronavirus nobo a wordo presenta pa hende.

E chens pa e malesa resulta fatal pa un hende, ta mucho mas grandi cerca personanan cu ya tabata sufri di un malesa cronico.

Cu economia y situacion financiero di Aruba, esaki a e punto di salida tambe. Aruba ta den agonia for di 2017, ora un normal nobo a cuminsa pa Aruba.

Un pais autonomo, un pais cu a lucha y a haya su Status Aparte, mester a percura pa e por a keda cabes riba awa.

Na 2009, e cabes di Aruba a wordo pusha bou di olanan bruto, ora gobierno anterior a deshaci di mita di entrada di e pais na BBO den un situacion di recesion mundial.

Ya cu na 2009 no tabata tin Covid-19, hopi Arubiano cu a lucha pa nan pais, no tabata na haltura cu mundo tabata den e peliger grandi di recesion ora a baha BBO na mita como acto politico, pasobra como acto di inteligencia financiero no por papia den e caso aki.

Na mes momento gobierno a cuminsa haci debe cu mundo den e mes tipo di situacion financiero cu e ta actualmente.

No a stop di gasta placa. A haci debe y mas debe na un forma inaceptabel. Ora no por a haci debe pa cuminsa paga directamente, a cuminsa hipoteca futuro cu introduccion cu e proyectonan PPP.

Di e forma aki a destrui autonomia, a destrui Status y asina for di 2017 ya mester a papia di un normal nobo di Aruba, cu realmente tabata den pobresa pasobra e tabata tin mas debe cu e tabata tin placa.

Awe e coronavirus nobo ta un menasa enorme pa Aruba, cu mester a entrega su autonomia, e orguyo Arubano.

Na momento cu mundo ta bati alarma grandi pa un desastre financiero mundial, Aruba mester realisa cu ta cambionan grandi ta spera pa e futuro mas cercano y mas largo.

Aruba lo mester landa den lama bruto cu un debe mara na su pianan. Arubianonan mester paga pa loke a haci cu e pais, cu tin e siguridad cu hasta pa su generacion nobo, autonomia a wordo destrui pasobra tin debe pa paga sigur te 2050!

 

 

 

 

- Advertisement -

DUNA COMENTARIO

Please enter your comment!
Please enter your name here