Home Gobierno E 60% di e ‘loonsubsidie’ no por wordo kita como dia di...

E 60% di e ‘loonsubsidie’ no por wordo kita como dia di vakantie di e trahador

1666
0
SHARE
- Advertisement -

Director di SVb ta enfatisa: 

*Dia 20 di Juni companianan lo haya placa di subsidio

ORANJESTAD (AAN):  Director di SVb, Edwin Jacobs a remarca cu e subsidio di salario (loonsubsidie) no por wordo uza pa calcula e vakantie door di bisa e trahador cu si e no ta 60%, pa motibo di e reglanan of protocolnan di Covid-19, ta kita e resto di tempo for di su dianan di vakantie. Esey no por.

E ‘loonsubsidie’ ta cubri tambe e oranan cu e trahador no ta traha e minimo di 60%.

Den caso cu un trahador mes cu ta trahando, kizas 60% of mas kier tuma un dia di vakantie, si e ta ricibi 60% di subsidio p’e y e dunador di trabao ta pone 20% pa yega 80%, e momento ey cu e tuma un dia di vakantie, por kita 20% so di dia di vakantie for di dje.

A agrega cu e 60% cu ta cubri pa e ‘loonsubsidie’ no por wordo kita como dia di vakantie di e trahador.

Locual por kita como dunador di trabao for di e dia di vakantie di e trahador ta e porcentahe cu e dunador di trabao ta pone riba e salario di e trahador pa yega na e maximo di 80% cu e ley di subsidio ta permiti bo paga e trahador, Jacobs a subraya.

El a laga sa cu lo percura pa dia 20 di Juni paga e companianan cu a aplica pa haya e subsidio di salario di e luna di Juni.  

- Advertisement -

DUNA COMENTARIO

Please enter your comment!
Please enter your name here