Home Salud DVG ta sigui enfatiza e importancia di distanciamento social

DVG ta sigui enfatiza e importancia di distanciamento social

44
0
SHARE
- Advertisement -

ORANJESTAD (AAN): Diabierna durante e conferencia di prensa di Gobierno relaciona cu Coronavirus, Sharline Koolman di DVG a papia un tiki mas riba cierto topiconan cu el a presenta caba, pero el a splica cu ta importante pa sigui pone enfasis riba esakinan.

“Misa of entiero por ehempel ta lugarnan unda nos ta topa cu hendenan di edad mas grandi”.

“hendenan cu por ta den riesgo door di nan edad y/of pa motibo cu nan tin un malesa cronico”.

“Na comienzo di siman mi a duna algun cifra tocante di casonan di personanan cu tin malesanan cronico esta morbididad, of hendenan cu tin mas cu un malesa cronico, esta co-morbididad”, segun Koolman.

El a sigui bisa cu el a splica esaki, pasobra varios di e casonan di Coronavirus cu Aruba tabata tin tabata hendenan cu tabata tin un of mas malesa cronico.

Segun Koolman, e categoria di edad e pashentnan na Aruba tabata un categoria relativamente hoben, esta di entre 40 y 50 aña.

“Aworaki berdaderamente nos no tin caso danki ta tur esfuerzo di tur esnan cu a haci di nan parti, pero tambe di parti di esnan cu tabata den isolacion”.

“Esaki lo no keda asina si nos habri nos fronteranan of viaha, sin cu nos ta prepara pa esaki”.

“Hopi hende na Aruba, esnan por ehempel cu no tabata traha, tabata tin hopi dia cera na cas y awor hopi hende di berdad ta bay tin gana di socializa y topa cu colega y/of amigonan”.

“Tur esey ta masha bunita y e por, pero tur hende mester mantene nan mes na e distanciamento social mas posibel”, segun Koolman.

El a sigui bisa cu no ta asina cu bo no por topa cu bo hendenan, pero bo mester pone atencion na e manera con bo ta haci esaki.

Si bo duna hende un man por ehempel, bo por laba bo man of uza hand sanitizer pa esaki.

Segun Koolman, mester custumbra cu e social distancing, pa asina cu ora cu nos fronteranan habri bek nos ta prepara pa deal cu esaki.

El a splica cu e establecimentonan di horeca ta bay tin varios regla pa tene cuenta cu e situacion di COVID-19, pero e clientenan mester atene nan mes tambe na e reglanan.

Tin aglomeracion na entiero y door di dolor di hende nan por lubida di tene nan mes na e metodonan pa evita posibel plamamento di e virus.

“Si un hende bin cerca bo por ehempel pa duna man of duna un braza etc, corda e persona di e reglanan di por ehempel distanciamento social”.

“Si e persona kier mantene su distancia social(fisico) por fabor respeta esaki, pasobra e tin un motibo pakico e ta haci esaki”.

“Esaki ta conta sigur tambe pa misa pues, pasobra e misanan ta cumpli cu e reglanan, pues lo ta bon pa e bishitantenan tambe coopera cu esaki”, segun Koolman.

 

- Advertisement -

DUNA COMENTARIO

Please enter your comment!
Please enter your name here