Home General Drone militar ta na Aruba pa proteha costa pa yegada di indocumentadonan

Drone militar ta na Aruba pa proteha costa pa yegada di indocumentadonan

84
0
SHARE
- Advertisement -

ORANJESTAD (AAN) – Gobierno di Aruba a habri e economia interno y ta de-escalando e medidanan di COVID-19.

Aruba tin e COVID-19 bou di control y como resultado na e momento aki tin zero caso di

COVID-19 riba e isla. Ta di sumo importancia pa sigui traha y biba den e normal nobo pa por

garantiza e economia sigui crece pa e pais y su habitantenan su desaroyo.

   Pa hasi esaki posibel mester proteha e pais entre otro di lanchanan cu por yega e isla cu posibel

fuentenan di COVID-19 abordo cu ta drenta e isla na un forma descontrola.

    Pa evita esaki sosode a hasi un peticion di asistencia na Defensa den Caribe pa vigila e

fronteranan cu unidadnan adicional. Defensa ta bini ku su Unmanned Aerial Vehicle (UAV) cual

ta un vehiculo cu lo hasi vuelonan riba lama pa vigila y controla e fronteranan di Aruba. A

ehecuta e prome buelo di prueba ku e UAV. E UAV lo bula bou di guia y instruccionnan di

Wardacosta di Caribe riba lama pa evita personanan yega ilegal riba e isla. E unidad ta ekipa cu camera abordo cual por detecta señal of botonan cu ta hasi intento pa yega cu personanan

indocumenta abordo. Na momento cu e UAV detecta algo e ta alerta Wardacosta cual lo dirigi

un unidad pa investiga e contacto riba lama.

    E specialistanan di UAV mester a pasa den un proceso stricto di cuarentena y a biba 14 dia den

isolacion. Nan temperatura a ser monitorea y a controla si nan tin sintoma di malesa.

Despues di e 14 dianan di cuarentena tur persona por a sali pa por cuminza na e trabao cu nan

a bini pe, cual ta maneha e vuelonan di e UAV.

    E UAV di Defensa den Caribe ta na Aruba pa vigila Aruba su fronteranan y lama pa proteha e

pais pa COVID-19-virus no bolbe lanta cabez. Cu e UAV Wardacosta tin ‘eyes-from-above’ y ta

un unidad aereo adicional pa yuda cu e trabaonan di intercepcion di lanchanan door di

Wardacosta prome cu nan por yega tera.

- Advertisement -

DUNA COMENTARIO

Please enter your comment!
Please enter your name here