Home Gobierno Door di ricibi varios pregunta, director di SVb a duna un splicacion...

Door di ricibi varios pregunta, director di SVb a duna un splicacion atrobe riba subsidio di salario

74
0
SHARE
- Advertisement -

ORANJESTAD  (AAN): Dialuna durante un conferencia di prensa na DVG, director di SVb Edwin Jacobs a splica cu e ta haya hopi pregunta riba caya y via email tocante di subsidio di salario.

Pesey el a dicidi di duna un splicacion amplio un biaha mas.

“Loonsubsidie ta un programa cu Gobierno a diseña, dirigi riba mantencion di cuponan di trabao”.

“E relacionnan di trabao registra na SVb dia 15 di Maart 2020, ta e cuponan di trabao cu mester wordo mantene durante e periodo di crisis, te na momento cu nos logra trece economia completamente bek riba pia”.

“Nos a ripara cu cada luna Gobierno tin cu haci su peticion pa prestamo na Hulanda y tin biaha e condicionnan ta cambia na caminda”.

“E programa ta uno unda cu Gobierno a dicidi pa mantene e cuponan di trabao y salarionan cu tabata registra dia 15 di Maart ta keda fiho durante henter e periodo di loonsubsidie”, segun Jacobs.

El a sigui bisa cu Gobierno pues ta bay duna un aporte di un maximo di 60% di e salario di e trahador y e ta duna un aporte tambe na e gastonan cu e dunadornan di trabao tin, ora e tin un trahador den servicio.

Segun e director di SVb, Gobierno ta cubri casi 80% di e gastonan di e dunador di trabao.

Ma leu Jacobs a indica cu Gobierno a bisa cu e subsidio aki di maximalmente 60% ta depende di e perdida di benta cu e compania ta premira cu e ta bay tin den e luna di Mei.

A base di locual e compania indica, SVb ta duna un decision provisional temporal den forma di un adelanto.

Despues pa luna di Mei, ora e datonan relevante manera e declaracion di BBO keda entrega na Departamento di Impuesto, SVb hunto cu Departamento di Impuesto ta bay determina e perdida real di venta y ta bin e ora ey un decision definitivo pa loke ta trata e peticion pa subsidio pa luna di Mei.

“E ta un programa cu ta evoluciona y ta cana na caminda”, segun Jacobs, kende a papia tambe di e condicionnan pa subsidio pa luna di Mei.

Un di esakinan ta cu e trahador pa kende e compania a ricibi subsidio, tin derecho di  mira e informacion specificamente di su persona, pa loke ta subsidio ricibi.

“Ora cu SVb a duna un decision provisional di cuanto ta bay duna di adelanto, SVb a suministra dunadornan di trabao un lista di e trahadornan inscribi na SVb dia 15 di Maart, pa mustra kico tabata nan suelo diario y kico tabata nan sueldo mensual y a base di esey a determina hunto cu e perdida di venta, kico pa cada trahador a haya na subsidio di salario”.

“Ta un subsidio bruto y for di esaki tin cu kita contribucion di trahador na AZV, AOV, AWW etc”, segun Jacobs.

El a sigui bisa cu duna trahador e informacion riba e subsidio duna pe, ta evita speculacion.

Un di dos condicion ta cu e trahador pa kende un compania a ricibi subsidio durante di luna di Mei mester permanece den servicio di e dunador di trabao.

E mester permanece registra na SVb como trahador, cumpliendo cu e ley di seguro di malesa y accidente.

Jacobs a sigui bisa cu un otro condicion ta cu e dunador di trabao tin cu duna un maximo di 60% di e salario contracta di e empleado.

“Den caso cu un trahador tin un salario cu ta riba e asina yama premie loongrens di SVb, cu ta 5.850 florin pa luna”.

“E leynan di SVb no ta sigura tur sueldo, esta e ta sigura sueldo pa malesa te cu 5.800 y pa accidente te cu 5.850 florin”.

“Pa loke ta e ley di subsidio, Gobierno a bisa cu si e salario ta 7.000 florin, e subsidio ta wordo calcula riba 5.850 florin”.

“Sinembargo, e salario cu tin cu wordo paga ta 60% di e salario contracta, esta 60% di e 7.000 florin”, segun e director di SVb.

 

- Advertisement -

DUNA COMENTARIO

Please enter your comment!
Please enter your name here