Home Enseñanza Directiva di SMOA ta invita juffrouw Lardy y docentenan pa sinta na...

Directiva di SMOA ta invita juffrouw Lardy y docentenan pa sinta na mesa

112
0
SHARE
- Advertisement -

ORANJESTAD (AAN): Diahuebs merdia, Directiva di SMOA a manda un contesta na Juf. Lardy, despues cu esaki a duna un reaccion na prensa net dilanti cura di Colegio Arubano.

   “Como Bestuur nos a tuma nota den prensa di e accion di algun docente di nos school Colegio Arubano,” SMOA a nota.

   “Juffrouw Lardy tin tur derecho pa cuestiona y pa haci pregunta over di e maneho di e Bestuur. Pero ta difícil pa duna cuenta bayendo prensa y vocifera nan preocupacion sin sinta prome na mesa.”

   Segun SMOA, nan Bestuur a purba diferente biaha pa sinta na mesa cu representante di ALV, pa atende tur nan preocupacion. Pero nan ta rechasa e intentonan.

   Nan pregunta over di e maneho financiero, cu gusto nos lo sinta na mesa y contesta tur preguntanan.

   For di aki Bestuur ta suplica e representante di ALV, juffrouw Lardy pa por favor, pasa cerca nos otro siman diaranzon dia 10 Juni pa 10:00 di mainta na oficina di nos Rector pa asina nos sinta hunto na mesa. Si e fecha of horario no ta cumbini juffrouw Lardy, por favor laga nan sa, y lo cambie.

   Tambe nan ta pidi juffrouw Lardy pa por favor bin cu TUR boso pregunta y preocupacion di miembronan di ALV, pa asina duna Bestuur y ALV un oportunidad pa splica su mes.

   Segun SMOA, no ta husto pa acusa un partido publicamente den medionan di prensa, sin duna nan chens promer pa contesta preguntanan.

   “Nos ta sigur cu nos lo yega na un solucion, pasobra ALV y Bestuur tin e mesun meta. Esey ta nos studiantenan na Colegio Arubano.  Ban demostra nos pueblo y especialmente nos studiantenan cu nos di Colegio Arubano ta profesional.  Aunque nos tin diferencia di opinion, nos por dialoga y yega na un solucion.”

- Advertisement -

DUNA COMENTARIO

Please enter your comment!
Please enter your name here