Home General Dialuna dia 15 di Juni lo tin vuelo di repatriacion di Aruba...

Dialuna dia 15 di Juni lo tin vuelo di repatriacion di Aruba pa Colombia

109
0
SHARE
- Advertisement -

ORANJESTAD (AAN): Entre 1 y 15 di Juni, lo bay tin mas di 29 vuelo humanitario cu lo ta bulando rumbo pa Colombia.  Esey ta segun informe divulga door di Radio Caracol.

   E Ministerio di Relaciones Exteriores di Colombia, a confirma cu den e prome 15 dianan di luna aki, lo bay tin 29 vuelo di caracter humanitario, y di e forma ey mas di 3.000 Colombiano cu a keda mal pega den exterior, lo por yega nan cas bek.

   Segun Gobierno di Bogota, e tipo di vuelonan aki ta wordo aproba pa motibonan humanitario, y lo bay sigui bula cu nan te cu Augustus, mirando e hecho cu pa September lo start bek cu operacion normal di vuelonan internacional na e pais.

   Pues pa e simannan venidero, Colombianonan lo regresa bek nan pais procedente di Zuid Africa, Luxemburg, Belgica, Italia, Aruba, Spaña, Reino Uni, Merca, Brasil, y otro paisnan di America Latina.

   E vuelonan lo bay tuma lugar asina aki.  Dia 1 di Juni for di Peru.  Dia 2 di Juni for di Argentina.  Dia 3 di juni for di Italia.  Dia 4 di Juni for di Honduras y Guatemala.  Dia 4 di Juni for di Brasil y Zuid Africa.  Dia 5 di Juni for di Panama.  Dia 5 di Juni for di Los Angeles.

   Tambe vuelo dia 6 di Juni for di Ecuador.  Dia 6 di Juni for di Chicago.  Dia 7 di Juni for di Miami.  Dia 7 di Juni for di Mexico.  Dia 8 di Juni for di Argentina.  Dia 8 di Juni for di Spaña.  Dia 9 di Juni for di Canada.  Dia 9 di Juni for di Chile.  Dia 10 di Juni for di Merca.  Dia 10 di Juni for di Mexico.

   Tambe dia 11 di Juni for di Merca.  Dia 11 di Juni for di Belgica, Hulanda, y Luxemburg.  Dia 12 di Juni for di Merca.  Dia 12 di Juni for di Peru.  Dia 13 di Juni for di Mexico.  Dia 13 di Juni for di Italia.  Dia 14 di Juni for di Ecuador.  Dia 14 di Juni for di Reino Uni.  Dia 15 di Juni for di Spaña.  Dia 15 di Juni for di Aruba y Curacao.

 

- Advertisement -

DUNA COMENTARIO

Please enter your comment!
Please enter your name here