Home General Destruccion Status Aparte a bira miseria di Aruba

Destruccion Status Aparte a bira miseria di Aruba

106
0
SHARE
- Advertisement -

E herencia di Betico Croes ta exigi husticia pa e Arubiano 

*Abuso di placa di Aruba ta kita pan for di mesa Arubano

*Organonan mas halto di estado mester yuda Aruba vota 

ORANJESTAD (AAN) — Segun leynan basico di Aruba, tur decision y conseho di Organonan mas Halto di Estado mester ta publico. Esaki ta nifica cu pueblo di Aruba mester ta consciente di loke politiconan a haci y di e maneho cu nan a hiba durante gobernacion.

Topico awe ta, kende ta responsabel di e estado di miseria cu a bira suerte di Aruba prome cu e coronavirus nobo a bati na porta.

Pa pueblo ta keda preguntanan cu e no por contesta, hasta si presenta na pueblo relatonan sumamente complica cu organonan oficial di e pais ta publica.

Esaki ta haci cu awe e oportunidad mester wordo crea, pa e organonan mas halto di e pais bini dilanti prome cu eleccion y duna pueblo tur detaye cu mester mustra pueblo ademas kende ta practica berdad y kende ta practica mentira.

Democracia ta exigi pa awe e organonan mas halto di estado yuda Aruba bay urna electoral na 2021 aunke for di 2017 sobrevivencia di e gobierno actual te eleccion tabata un lucha.

Segun e base democratico Aruba mester conoce e berdad a Aruba husga medionan di comunicacion y su politiconan y establece kende ta practica mentira y kende ta papia berdad.

Esaki ta e base tambe di Status Aparte, herencia directo di Betico Croes cu a cumpli cu loke el a priminti Aruba y a haci e deseo mas grandi di Aruba bira realidad.

Hasta si destrui su graf, trapa riba su memoria, no por deshaci di e gran berdad cu e tabata constructor di e pais nobo basa riba un cuadro di ley cu mester a preveni e Arubiano pa awe ta pasa den miseria grandi y hasta hamber awor cu e coronavirus a bati na porta.

Rapportnan di organonan di estado ta papia un idioma cla y ta mustra con gobierno anterior a logra kibra e base sano di maneho di placa na Aruba.

Ni un mucha chikito no ta deshaci di mita di su entrada pa despues e horca su mes den debe manera gobierno anterior a haci cu Aruba contra conseho di instancia oficial di consulta di gobernacion.

E organo di mas halto di Aruba riba control financiero, a condena e forma cu e miembronan di Parlamento di Aruba cu tabata sostene gobierno anterior, a entrega Gabinete Mike Eman e fondo di 1.6 Biyon cu hunto cu Benny Sevinger e por a uza na su antoho sin preparacion.

E organo oficial di consulta, Raad van Advies, a rechasa e forma cu a introduci e proyecto Citgo y a adverti pa e peligronan grandi cu a crea pa Aruba, cu a keda en espera di un proyecto fantasma.

Prome cu Aruba bay urna electoral, e mester haya e berdad entrega dor di e organonan oficial di Aruba, na un idioma cu pueblo por comprende pa asina husticia y berdad prevalece.

Aruba mester haya e contesta kende a percura pa e hamber y miseria cu Aruba conoce awe ora a destrui e Status Aparte y a haci cu Hulanda a yega na e conclusion cu Aruba  no por carga su autonomia.

Di e forma aki a destrui e logro di Betico Croes, e heroe di Aruba cu prome cu su morto a entrega e Arubano autonomia y no promesa falso y fantasia.

 

- Advertisement -

DUNA COMENTARIO

Please enter your comment!
Please enter your name here