Home Parlamento Daphne Lejuez lo sostene tur ley cu tin di haber cu casonan...

Daphne Lejuez lo sostene tur ley cu tin di haber cu casonan inmoral

89
0
SHARE
- Advertisement -

Tratamento di Ley di Pedofil

ORANJESTAD (AAN): Diabierna mainta, Parlamento di Aruba a trata e ley cu ta aumenta castigo pa delitonan inmoral, tambe elimina e periodo cu un keho ta keda valido pa entrega keho, y tambe ta elimina cu un preso sintando castigo di abuso sexual di mucha, lo por haya libertad mas trempan debi na su bon conducta.

   Segun Parlamentario Daphne Lejuez cu ta independiente, e ta sostene e ley aki pa aumenta castigo den delitonan inmoral, y ta elimina e periodo cu ta keda valido pa entrega keho. 

   Di awor caba el a splica, cu tur otro ley cu lo bin den futuro cu ta encera castigo contra esnan cometiendo acto di inmoralidad, lo conta semper cu su sosten.

   Pero e ta pidi Ministronan pa traha riba e sosten completo, cu ta encera prevencion, castigo, tratamento, revalidacion.  E ley tey pa hisa castigo maximo, pero tin di percura pa tin profesionalnan pa sostene e victima y famia, pero tambe trata e agresor pa asina evita cu e ta ripiti su fechoria.

    Castigo ta e sancion despues cu e acto wordo cometi.  Pero toch e meta mester tey pa reduci y elimina esaki di tuma lugar.

   Segun Parlamentario Lejuez, tin di enfoca tambe riba prevencion pa asina tur mucha por goza di hubentud liber y sano.  Tambe e ta subraya e importancia pa Aruba bin cu e Meld-Code, y tambe e vertrouwen-arts, pues un medico full dedica na esaki cu sa con pa handle victimanan ora di examinacion.

 

- Advertisement -

DUNA COMENTARIO

Please enter your comment!
Please enter your name here