Home General Coronavirus a subi cu 650% den ultimo luna na Haiti

Coronavirus a subi cu 650% den ultimo luna na Haiti

48
0
SHARE
- Advertisement -

ORANJESTAD (AAN): E cantidad di casonan confirma di Covid-19 na Haiti, a subi cu 650% entre 22 di Mei y 22 di Juni cu a pasa, segun un relato nobo di Oficina di Coordinacion di Asuntonan Humanitario (OCHA) di Nacionnan Uni.

   E enorme falta di proctocol pa preveni e brote di e Virus na e centronan di salud nno relaciona cu Covid-19 ta presenta un problema pa e dunamento general di servicio di salud na henter Haiti, segun e relato ta menciona.

   E cifranan di salud ta alarmante segun OCHA a bisa.  Nan estudio a wordo haci den colaboracion cu Organizacion PAHO y Organizacion WHO.

   “Varios centro di salud a cera of a nenga di acepta pashent, pasobra nan mes no ta suficiente prepara pa preveni e brote di virus y proteha e trahadornan di salud,” ta loke e nota ta sigui mustra.

   Diasabra cu a pasa, autoridadnan di salud publico na Haiti a informa cu e cantidad di morto a yega na 98 y na 5.722 caso positivo di e malesa.  Ultimo biaha nan a haya 105 caso nobo den un solo dia.

   E Coronavirus nobo aki ta den diez region di e pais, aunke cerca di 80% di e casonan a wordo detecta na parti West, unda tin e capital Port-au-Prince, cu un total di 4.182 caso y 47 morto.

   Organizacion OCHA ta sigura cu e interupcion di servicio di salud regular, principalmente pa salud materno debi na Covid-19, ta un preocupacion hopi grave.

   “E discriminacion, e stigmatizacion social y e incidentenan di discriminacion contra pashentnan sospechoso of confirma di Covid-19 y e lugarnan unda ta trata e pashentnan, ta sigui di ta motibo pa e preocupacion aki,” segun e documento.

   E organizacion aki di Nacionnan Uni  a bisa cu desde luna di Maart a registra 27 episodio di stigmatizacion y discriminacion, incluyendo 7 intento cu a trata di horca un pashent.  Comunidadnan na Haiti ainda ta nenga regularmente pa habri lugar di salud di Covid-19 rond di nan.

   Datonan di e Direccion di Administracion Penitenciario (DAP) ta mustra cu den Prisonnan na Haiti ya a confirma no menos cu 70 caso positivo di Covid-19.  Nan a test 210 preso, y a registra 332 caso sospechoso.

   E problemanan di malnutricion ta empeorando den e prisonnan, debi cu e temporadanan aki nan no por haya bishita di famia.  DAP a informa cu por lo menos 5 preso a muri den prisonnan debi na e crisis aki.

   E rapport di OCHA di otro banda a determina cu entre Mei 2019 y Mei 2020, tabatin un caida di 74% di muhernan cu a duna luz na Hospital, y caida di 67% den consultanan prenatal.

   Na April 2020, a vacuna mitar di e muchanan compara cu April 2019.

 

- Advertisement -

DUNA COMENTARIO

Please enter your comment!
Please enter your name here