Home General Colombia: Muher a discuti cu su pareha y despues ataca y laga...

Colombia: Muher a discuti cu su pareha y despues ataca y laga su baby cu hopi mordi

291
0
SHARE
- Advertisement -

ORANJESTAD (AAN): Un caso sumamente tristo a keda registra na e bario Canaima di Neiva (cu ta keda zuidoost di Cali), ora cu un muher di 25 aña di edad a ataca su baby di 7 luna cu cantidad di mordi fuerte.  El a laga su pareha tambe herida.

   E muher aparentemente a bebe alcohol y a bira burachi, y despues el a start un pleito cu su pareha.  Dado momento el a dicidi na ataca y laga su pareha lesiona.  Despues di esey e muher a bay y ataca su mesun baby.

   Esaki ta un acto cu no ta wordo tolera, pero tambe un resultado desafortuna di bebe alcohol, segun Coronel Hector Ruiz a bisa na prensa.  E ta comandante operativo di Policia Metropolitano.

   Despues di a ricibi tratamento medico, e baby mucha muher di 7 luna a keda bao cuido di su wela di parti tata.

   Polis a detene e muher despues cu el a comete e acto aki, pero ora cu el a presenta den forma preliminar dilanti Huez, el a wordo laga den libertad.

   Pero toch aunke e muher a sali liber, e lo tin di atende e proceso penal, y tambe atende e proceso cu lo pasa via Instituto Colombiano di Bienestar Familiar, pa determina si acaso e baby lo bay keda bao custodia di e muher violento aki, of  dicidi otro si acaso nan ta haya cu e muher no ta apto pa cuida e criatura.

   Ademas di responde pa su actonan pa cu e baby, e lo tin di respone na husticia pa e delitonan di lesion personal y violencia di famia.

- Advertisement -

DUNA COMENTARIO

Please enter your comment!
Please enter your name here