Home General Colegio EPI a dispidi di nan alumno Luisann Larez cu un tributo...

Colegio EPI a dispidi di nan alumno Luisann Larez cu un tributo na scol

310
0
SHARE
- Advertisement -

ORANJESTAD (AAN): Diabierna merdia tabata tin un momento hopi emotibo na Colegio EPI, Unidad di Economia, ora cu e shersh transportando e restonan mortal di Luisann Maria Larez, miho conoci como “Seintje’ a ser hiba dilanti di scol pa asina ofrece un tributo.

E decano di e Unidad di Economia y e begeleidingsmanager a bin pafo,  pa topa e shersh. Asina hunto a haci un recorido pa bay topa cu e mentor di e klas y e studiantenan, compañeronan di scol di Luisann pa bay te na e parkinglot di e Unidad di Economia, unda Luisann tabata studia.

Personal Administrativo y docentenan a uni na e grupo pa asina tira petalonan di rosa cora riba e shersh. Ora cu e shersh a para, e studiantenan a haci un guardia di honor dilanti di e caha cu e restonan mortal di Luisann.

E dos directornan di Colegio EPI a duna e mayornan di e difunto algun documento di EPI, algun recuerdo. E decano di Economia y e begeleidingsmanager a duna e mayornan e raport di Luisann, cu tabata un studiante ehemplar.

Seguidamente, e studiantenan y e raad di studiante di Conseho di Studiantenan di Economia a duna e mayornan algun presente pa despues e shersh continua su caminda pa Aurora Funeral Home, unda a tuma lugar e ceremonia di despedida.        

- Advertisement -

DUNA COMENTARIO

Please enter your comment!
Please enter your name here