Home Enseñanza Colegio Arubano a habri bek Dialuna segun e reglanan di ‘normal nobo’

Colegio Arubano a habri bek Dialuna segun e reglanan di ‘normal nobo’

20
0
SHARE
- Advertisement -

ORANJESTAD (AAN): Bo por imagina bo mes, cu nos no por admiti tur grupo hunto na scol, pasobra Colegio Arubano tin 1.180 alumno cu no ta di examen klas. Pa e motibo aki nan a habri scol den fase.

   Den e carta aki bo por lesa ora e diferente nivelnan ta na scol, y tambe ora nan ta haya les na distancia.

    Ciclo Basico 1 y 2 / HAVO-3 y VWO-3:

   Di Dialuna 1 di juni te cu Dialuna 8 di juni, e klasnan di Ciclo Basico 1 y 2, HAVO-3 y VWO-3 ta haya les na scol. E lesnan ta di 8:00 am pa 12:00 pm. Esaki ta cuater ora di les, cada un di 1 ora (60 minuut).

   E klasnan ta parti den grupo 1 y grupo 2. E particion di grupo aki lo bay via email di scol pa e alumnonan. E rooster tambe lo bay via mail pa nan.

DIARIO ta publica e protocol tambe pa haya mas informacion, entre otro tocante tur e medidanan di seguridad.

   HAVO-4, VWO-4 y VWO-5:

   E klasnan di HAVO-4, VWO-4 y VWO-5 ta haya les di diamars 9 di juni te cu Diabierna 19 di juni na scol.

   Mescos ta parti e klasnan di nivel 4 y 5 den dos grupo. E particion di grupo ta bay via e mail di scol pa e alumnonan. Tambe ta importante pa tur almumno y mayor di e nivelnan aki lesa e protocol adhunto.

    Les y prueba na distancia, online:

   E lesnan na distancia ta sigui mas tanto cu ta posibel den tur klas. E klasnan di nivel 4 y 5, bovenbouw, ta haya les na distancia, ora cu e klasnan di nivel 1, 2 y 3, onderbouw, na ta scol y contrario.

   Por tin algun ripiticion, pero si esaki ta e caso, e docente en cuestion lo duna e alumno e informacion corecto.

Tur prueba (toetsen) y presentacion planea ta sigui, sea cu e alumno ta na scol of digitalmente.

    Siman di CP:

    Den Siman 26, dialuna 22 di juni te cu diabierna 26 di juni, tur nivel ta conclui e aña escolar cu un siman di CP. Algun materia ta cera e aña escolar ya caba prome cu e siman di CP, cu tareanan practico of cu presentacion.

Tur alumno y mayor a ricibi e protocol con nan lo habri scol.

- Advertisement -

DUNA COMENTARIO

Please enter your comment!
Please enter your name here