Home Policial Ciudadano di 80 aña a hoga na Boca Catalina

Ciudadano di 80 aña a hoga na Boca Catalina

854
0
SHARE
- Advertisement -

ORANJESTAD (AAN):   Diamars mainta testigonan a mira un persona drenta lama na Boca Catalina pero te den oranan di merdia no a wak cu el a regresa y no a mira ningun hende den awa.

Pa 11:47 central di polis a wordo notifica cu un persona masculino lo a drenta lama na Boca Catalina  mas o menos 9:30 y nan no a wak’e mas. Mesora a bati alarma y tanto polis a wordo avisa, e boto di polis y tambe e helicopter pa sali en busca di e persona aki.

Por a compronde cu e boto di polis hunto cu helicopter pa 1:11 pm a haya e curpa sin bida di e persona pabao di Lighthouse cu ta basta leu di unda el a bay landa.

E boto di polis a trece e persona den waf di Playa na unda cu eynan instancianan concerni tabata presente y un docter pa asina constata morto. Pa 1:50 dr Texier ta constata morto di F.J.  naci na Aruba 10-10-1939 (80 aña).

Slachtofferhulp a presenta pa asina guia e famia den e momentonan aki.

DIARIO y tambe Cuerpo Policial ta manda palabra di condolencia na famia di e fayecido.

- Advertisement -

DUNA COMENTARIO

Please enter your comment!
Please enter your name here