Home Gobierno Castigo maximo pa abuso di mucha a wordo aumenta di 12 pa...

Castigo maximo pa abuso di mucha a wordo aumenta di 12 pa 15 aña

230
0
SHARE
- Advertisement -

A trata Wetboek van Strafrecht

*Parlamento a aproba aumento di castigo di 29 articulo den ley

ORANJESTAD (AAN):   Diabierna den sala di Parlamento tabata tin un reunion basta largo pa asina trata e ‘Wetboek van Strafrecht’. Minister y Parlamentarionan a debati extenso riba e topico di abuso di mucha na Aruba pa na final yega na algun decision y unanimamente a aproba e ley cu ta aumenta castigonan pa pedofilnan..

  Parlamentario Endy Croes a trece dilanti un splicacion basta amplio y a bisa cu Parlamento a trata e ley pa aumento di castigo Landsverordering tot wijziging van het Wetboek van Strafrecht ( AB 2012 no. 24) verhoging strafmaxima zedendelicten, aanpassing verjaringstermijnen zedendelicten, aanbrengenverbeteringen en herstel omissies. 

/// Desde 2001 Aruba ta cumpli cu Verdrag de rechten van het Kind:

   Tema di castigo pa abusadornan di muchanan menor di edad ta un tema cu ta biba fuerte den comunidad. Aruba sinembargo desde 2001 ta cumpli cu e Verdrag Rechten van het Kind cual Verdrag a wordo introduci desde november 1989 door di Nacion Uni.  Na caminda a adapta diferente leynan na interes y beneficio di e muchanan. 

/// Na 2004 a lanta Bureau Sostenemi: 

    Na 2004 bou gobernacion di MEP a logra institui Bureau Sostenemi pa asina brinda un mehoracion den e cadena di asistencia pa cu abuso di mucha. Bureau Sostenemi a tuma over e proyecto “Stop Awor” cual proyecto a duna resultadonan positivo. Bureau Sostenemi desde Juni 2019 mediante un Ley a bira e meld en coordinatie punt oficial. 

/// Comision fiho December 2010 :

    Na aña 2010 Parlamento a lanta un comision fiho special pa atende cu e tema aki esta abuso di mucha. Hunto cu otro comisionnan existente tanto comision di comision social y comision di salud a reuni y scucha tur NGO’s y departamentonan concerni. Pues un total di 3 comision di Parlamento a traha riba esaki y a presenta finalmente un serie di recomendacionnan pa gobierno na 2011. 

/// Manifesto April 2016:

   Dia 27 di April 2016 Parlamento a ricibi un “Manifesto” al respecto abuso sexual di muchanan menor di edad. Como cu tur e puntonan menciona den e manifesto aki ya caba a wordo trata y tin recomendacionnan al respecto di e (3) comision fiho di Parlamento y mester bay over na ehecuta esakinan sea den forma di cambio di ley y otronan atravez di maneho.

   Gobierno nobo cu a drenta November 2017 a wordo confronta cu e morto di dos criaturanan cual sigur a conmove comunidad. Desde aki a introduci Social Crisis Plan bou di cual awe 30 instancia ta traha hunto riba e mesun meta pa combati abusonan aki den un  coordinacion total. 

/// Parlamento a aproba aumento di castigo di 29 articulo den ley:

    Parlamento a aproba y aumenta di 29 artikel pues di 29 diferente delito. Artikel 2:197 ta trata violacion cual a wordo aumenta di 12 aña maximo pa 15 aña maximo. Berdad esaki ta e promer paso.

    Tambe e parti verjaringstermijn den e ley cual ta regarda cu un delito lo por caduca a wordo cambia. Entre otro abuso y violacion nunca lo caduca mas desde awor cu e cambio aki. Es decir si haya sa te hasta 10 aña despues ainda e abusador lo wordo condena y mester sinta su castigo.

    Hunto nos ta riba e caminda pa combati e fenomeno aki percurando pa leynan stringente pa frena esnan cu tin pensa pa viola of mishi cu entre otro muchanan menor di edad, Croes a declara.  

- Advertisement -

DUNA COMENTARIO

Please enter your comment!
Please enter your name here