Home Hudicial Castigo di 20 luna di prison pa homber cu a abusa di...

Castigo di 20 luna di prison pa homber cu a abusa di su dos sobrinanan

1459
1
SHARE
- Advertisement -

ORANJESTAD (AAN): Riba Diabierna, sentencia a cay pa e homber W., kende ta worde haya culpable di a abusa di su dos sobrinanan y tambe di a kinipi nan.

   Hues basicamente a bay di acuerdo cu e exigencia di Fiscal cu ta 30 luna di prison di cual 10 luna ta condicional y un tempo di prueba di 3 aña.

   Tres siman pasa tratamento di e caso a tuma lugar caminda Fiscal a bisa cu e ta haya legalmente proba cu W. a dal e muchanan. El a mustra cu e sospechoso mes a admiti di a klap y no kinipi. Pa cu abuso y actonan inmoral, Fiscal a bisa cu mester tin pruebanan di sosten. W. ta desmenti di a haci esakinan.

   E mucha a conta na school con W. tabata mishi cun’e y a penetr’e. E juffrouw di school a conta kico e mucha a conta y a ripara cu e mucha ta comporta otro na school. E otro mucha tambe ta bisa cu W. a mishi y penetr’e. Tambe un di e muchanan a mira con W. tabata haci cosnan cu su ruman.

   Fiscal ta haya tur esaki, suficiente prueba cu W. a abusa di e dos muchanan menor di edad. Fiscal a sigui bisa cu e no por papia di penetracion sexual pasobra e raport medico no ta mustra esaki.

   For di investigacion di psycologo ta mustra cu W. mester di guia di Reclassering y curso di control di agresion. Fiscal a expresa cu e ta preocupa cu W., kende no kier bisa nada y ta haya cu W. tin problema cu su mes.

   Fiscal a bisa cu e tabata desea cu W. a expresa su mes pa asina tene cuenta cu esaki. Fiscal a bisa cu e muchanan a keda afecta. Fiscal a bisa cu e ta kere cu e unico forma cu por evita cu esaki ta ripiti ta pa exigi castigo combina. El a exigi 30 luna di prison, di cual 10 luna ta condicional y 3 aña di prueba bou guia di Reclassering y cu W. mester sigui e curso di regula agresion.

    SENTENCIA:

   Diabierna mainta via video conference e sentencia a sosode. E acusado tabata na KIA, mientras cu Hues tabata den sala di Corte y abogado di e sospechoso tambe tabata na Corte.

  Hues a bisa cu e ta haya legalmente proba cu W. a abusa di e sobrinanan. Tambe cu el a maltrata su 2 sobrinanan y un otro. Hues ta haya cu tin prueba di penetracion sexual. Hues a mustra cu abogado a bisa cu e ta haya cu no por bay tras declaracion di e sobrinanan y no tin prueba di sosten. Hues ta rechaza esaki. Hues ta haya e declaracion di e muchanan confiable.

   Na opinion di Hues, e dos sobrinanan a conta e mesun cos. Ademas tin prueba di sosten. Un di e muchanan a mira con W. a abusa di su ruman muher. Hues a bisa cu aki ta trata di tres delito serio.    El a mustra cu ta na cas di mama di W., caminda e muchanan a keda mientras nan mayornan tabata traha, esaki a sosode. Psycologo ta haya W. responsabel pa locual a haci. Hues a confirma e exigencia di Fiscal. El a condena W. na 30 luna di prison di cual 10 luna ta condicional y 3 aña di prueba y bou guia di Reclassering.

- Advertisement -

1 COMMENT

  1. Na e violador di mucha mester haya mas castigo bo ta cria bo yui cu sacrificio ,amor y oro ta bin pasa ribann ,no ta justo mas aña e mester haya sinverguenza!!!

DUNA COMENTARIO

Please enter your comment!
Please enter your name here