Home Parlamento Casonan grandi di corupcion di AVP tanto IBIS di Paul Croes y...

Casonan grandi di corupcion di AVP tanto IBIS di Paul Croes y Avestruz di Benny Sevinger ta canando?

423
0
SHARE
- Advertisement -

Parlamentario Endy Croes:

ORANJESTAD (AAN): Parlamentario Endy Croes ta subraya cu berdaderamente por a tuma nota di accion di Ministerio Publico den combinacion cu mas departamento siman pasa alrespecto kehonan cu di acuerdo cu informacion cu Ministerio Publico a comparti a wordo entrega na September 2019. 

No obstante esaki tin varios preguntanan cu diariamente ta keda lansa publicamente expresando preocupacion di pueblo.

Casonan IBIS di Pauyl Croes y Avestruz di Benny Sevinger:

Manera Ministerio Publico mes a splica cu e casonan relata na siman pasa ta den nan fase inicial. Locual no a wordo splica ta con leew e casonan di Paul Croes y Benny Sevinger di AVP ta? Paul Croes pa mas cu un aña pasa a ricibi un condena di 4 aña di prison pa corupcion y fraude enconnexion cu e caso di ontheffing di permiso a cambio di placa.

Tambe pa 10 aña Paul no lo por cubri ningun funcion publico y tampoco por aparece riba un lista politico. Paul usando su derecho a bay Hoge Beroep. Conociendo e caso aki di locual nos por a lesa den e rekisito di Fiscal e veredicto den un futuro caso den  Hoge Beroep no lo bay ta mucho diferente. Dicon e tardansa ta e preocupacion y pregunta di pueblo.

Pa loke ta traha e caso di Benny Sevinger ta un caso mucho mas grandi cu esun di Paul. Corupcion y fraude ten top!  Terenonan a wordo bendi pa MIYONES. Pues un kring di amigo a bira miyonario cu patrimonio di pueblo. Benny ta otorga e bendicion na su amigonan pa haña un optie riba tereno comercial.

Despues esun cu a haya e optie aki ya caba tin un cumprador wardando. Aki ex minister ta coopera pa bende shares di NV unda e optie ta bay cu e shares pa transaccionnan miyonario. Pues practicamente esaki tabata e triki pa bende tereno pa bira miyonario.

E caso aki ta uno hopi hopi grandi cual a crusa frontera y a traha cu Ministerio Publico di otro paisnan. Por ehempel a hasi inval hasta na Corsow, a bishita St Maarten a bishita Panama y Miami entre otro unda placanan grandi a lora. Ta na su lugar pa Ministerio Publico bin dilanti y splica pueblo status di e casonan aki pa mantene e pueblo trankil.

Caso Wasmachine Mike Eman y Bo Aruba:

Parlamentario Endy Croes a garantisa cu kehonan oficial a wordo entrega contra Mike Eman kende a ricibi 50 mil us dollar ( 90 mil florin)  for di Roberto Rincon y tin prueba di diferente transacion(nan) pa e cuenta di Fundacion Campaña Mike Eman.

E caso aki muy probablemente lo haya e nomber di “WASMACHINE”. Alaves a manda serie di pregunta pa (3) ministers relaciona cu melding di Banco na MOT y di MOT na Ministerio Publico di acuerdo cu e ley di LWTF.

Banda di esaki a entrega keho oficial na Ministerio Publico desde Augustus 2018 riba e rapport di Algemene Rekenkamer “Bo Aruba” unda AVP a duna mas di mil miyon na proyecto faltando entre otro hopi documentacion.

Na juni 2020 a bolbe entrega un di dos keho oficial na Ministerio Publico riba Bo Aruba. Pues Parlamentarionan ta cumpli debidamente cu parti di nan deber y ta keda na Ministerio Publico pa haci un trabou den cuadro di tempo “redelijk” pa asina esnan cu a peca contra ley carga nan responsabilidad of criyoyo bisa sinta riba nan blaar! 

- Advertisement -

DUNA COMENTARIO

Please enter your comment!
Please enter your name here