Home General Casi tres luna despues e ganadora a cobra su di 2ndo premio...

Casi tres luna despues e ganadora a cobra su di 2ndo premio di MiniMega

198
0
SHARE
- Advertisement -

ORANJESTAD (AAN): Tabata den e prome siman di Maart 2020, cu Diana a cumpra ticket pa wega di MiniMega di Diabierna 6 di Maart 2020.  El a yega cas y pone e ticket un banda y a lubida riba dje.

   E sorteo a tuma lugar, y e anochi ey no tabatin ganador di prome premio, sinembargo tabatin 2 ganador pa di dos premio di cual cada uno a gana 10.076 Florin.

   Despues Shelter-in-Place a cuminza na Aruba debi na e crisis di Coronavirus, y tur negoshi di Lotto a cera.

   Diripiente na comienzo di Mei e tabata cobando den su papelnan y el a topa cu e ticketnan aki.  Riba Dialuna 4 di Mei el a presenta na DIARIO pa check corant di Maart pa check si ticketnan a libra algo.  Asina el a bin descubri cu el a gana Premio #2 di MiniMega.

   Como cu tur oficina di Lotto ta cera, sinembargo DIARIO mes a yuda e ganadora Diana pa haya contacto cu un funcionario di Lotto pa Deporte, cu a confirma na dje cu el a gana pero e por haya su pago te ora cu Oficina habri bek.

   Nan a bise pa acudi Diabierna 29 di Mei 2020 na oficina di Lotto, unda a scan su ticket den Computer di Lotto, y esaki mesora a confirma cu el a gana 10.076 Florin.

   Diana a cumpra e ticket ganador na Lucky Dragon 2.  Aki por mire ta ricibi su premio casi 3 luna despues di a gana.

 

- Advertisement -

DUNA COMENTARIO

Please enter your comment!
Please enter your name here