Home General Bestaansminimum pa un famia durante April a bira 93 Florin mas caro...

Bestaansminimum pa un famia durante April a bira 93 Florin mas caro compara cu aña pasa

180
0
SHARE
- Advertisement -

ORANJESTAD (AAN): Oficina Central di Estadistica, a revela cu e Indice di Prijs di Consumo (Consumer Price Index, CPI) pa luna di April 2020 ta 101.69, loke ta representa un caida di 0.7% compara cu e indice di Maart 2020 (101.43) y acumulando un caida di 1.0% te cu na April di e aña aki.

   E cambio di e CPI pa e ultimo 12 lunanan (April 2019 te cu April 2020) ta 1.9%, un caida di 2.6 ppt compara cu e periodo corespondiente di aña pasa (4.5%).

   E promedio anual di e tasa di inflacion pa e periodo di April 2019 te cu April 2020 ta 4.4%, un subida di 0.3 ppt compara cu e 4.1% registra den e periodo di April 2018 te cu April 2019.

   Durante e luna aki, seis di e 12 sectornan a registra caida di prijs. E caidanan cu tabata tin e mayor efecto riba e CPI a worde registra pa e sectornan di “Transporte” (-6.5%) y “Salud” (-0.8%), causando un efecto di -0.80 y -0.02 ppt, respectivamente. E caidanan den e restante sectornan a contribui cu un efecto di -0.02 ppt riba e CPI di April 2020.

   E caidanan aki a worde contraresta parcialmente door di un subida den e índice di e sector di “Cuminda y bebida no-alcoholico” (0.5%), cu a contribui cu un efecto di 0.09 riba e CPI di April 2020. E subidanan den e restante sectornan a contribui cu un efecto di 0.02 ppt riba e CPI di April 2020.

   E caida den e sector di “Transporte” a worde causa door di un caida di 10.3% den e categoria “Gasto relaciona cu uso di vehiculo di transporte personal”, causando un efecto di -0.80 ppt. E caida den e sector di “Salud” a worde causa principalmente door di un caida den e categoria “Aparato pa uso domestico” (-1.4%), causando un efecto di -0.02 ppt.

   E subida den e sector di “Cuminda y bebida no-alcoholico” a worde causa door di un subida den e categoria “Cuminda” (0.6%), causando un efecto di 0.09 ppt.

    Canasta di consumo:

    E canasta di consumo di e CPI ta consisti di 408 bienes y servicionan. Compara cu Maart 2020, 30.0% di e bienes y servicionan aki a conoce un aumento di prijs causando un efecto di 0.78 ppt, mientras cu 22.7% ta mustra un caida di prijs, cu a contribui cu un efecto di -1.51 ppt y pa e restante 47.3% no tabata tin cambio den prijs.

   Prijsnan di bienes a baha cu 1.3% y a causa un efecto di -0.79 ppt. Prijsnan di servicionan a conoce un subida di 0.1% y a causa un efecto di 0.06 ppt riba CPI di April 2020.

    Core inflation:

    E CPIC (core inflation) – CPI excluyendo e efecto di energia y cuminda – a registra na April 2020 un subida di 4.3%. E indice di energia – cu ta consisti di e productonan: electricidad, awa, gasolin y diesel a registra un caida di -2.1%. E indice di cuminda a registra un subida di 12.1%.

   Bestaansminimum:

    E bestaansminimum pa un hogar consistiendo di 2 adulto y 2 mucha (edad 0-14 aña) na April 2020 ta Afl. 5,002, un subida di Afl. 93 compara cu April 2019 (Afl. 4.909).

   E bestaansminimum pa un hogar di 1 adulto ta Afl. 2,382, un subida di Afl. 44 compara cu April 2019 (Afl. 2.338).

- Advertisement -

DUNA COMENTARIO

Please enter your comment!
Please enter your name here