Home Economia Banco Central cu foyeto y tambe app nobo pa yudabo explora e...

Banco Central cu foyeto y tambe app nobo pa yudabo explora e papelnan di Florin

71
0
SHARE
- Advertisement -

ORANJESTAD (AAN): Banco Central di Aruba (CBA) ta hacienso esfuerzo pa yega na e standardnan di mas halto pa seguridad y eficiencia di e sistema di pago na Aruba.  Pa por laga pueblo haya sa mas di e caracteristicanan di seguridad di e papelnan nobo di Florin di e serie 2019, e siman aki Banco Central a cuminza distribui un foyeto informativo pa tur cas riba e isla.

   E foyeto aki ta contene informacion encuanto e origen, e storia, y e organizacion di e proyecto, y e caracteristicanan di seguridad di e serie nobo aki.  E foyeto aki tambe ta sirbi como buki di referencia, ya cu e tin un descripcion extenso di e papelnan di Florin aki.

   Tur cas na Aruba lo tin acceso na e foyecto util cu splicacion y ilustracion riba e serie nobo di papel di Florin.  Ademas di esey, CBA a desaroya un App nobo, cu por wordo baha for di Apple su App Store of Google Play, pa introduci e caracteristicanan di seguridad di e papelnan nobo aki.  E App ta permiti e posibilidad pa bo descubri tur e caracteristicanan di e papelnan di Florin aki na un forma accesible y divertido.

   E funcionnan di seguridad den e papelnan di Florin na Aruba ta yudabo detecta papelnan cu ta falso.

   Segun un investigacion haci recientemente na Reino Uni, e funcion di seguridad di 3-D di placa di papel ta yuda reduci e circulacion di papelnan falso.  E investigacion ta confirma cu e papelnan nobo di Florin ta e ultimo den inovacion y diseño.

   Segun señora Miriam Gonzalez kende ta Director Ehecutivo di CBA: “Despues di e presentacion exitoso aki di e papelnan nobo, ya caba pueblo a costumbra cu su apariencia nobo.  Pesey, esaki ta e momento adecuado pa trece comunidad di Aruba na un paso mas leu pa familiariza nan mes completamente cu e papelnan aki, explorando e caracteristicanan di seguridad y pasa pret un poco ora di haci esey.  E App ta tanto educativo como tambe ta entretene bo, loke ta permiti publico di Aruba conoce mas profundamente e diseño unico y e storia tras di e placa di papel aki.

   Pa esnan cu no tin un smartphone of tablet, e foyeto ta un alternativo perfecto.

  ATENCION INTERNACIONAL:

   Na April 2020, e asina yama International Bank Note Society (IBNS) a anuncia cu su miembronan cu derecho di voto a selecciona Banco Central di Aruba pa ricibi e prestigioso premio “Bank Note of the Year Award” pa 2019.  E papel nobo di 100 Florin di Aruba a gana premio pa e diseño.  Mas informacion di esaki na theibns.org

   Tambe tin un articulo riba e serie nobo di papel di Florin den e rapport “Finance & Development Currency Notes of June 2020” di IMF.  Por mira esaki na: www.bit.ly/papel-florin20
   Pa mas informacion riba e caracteristicanan di seguridad di e papelnan di Florin nobo, check: www.bit.ly/florin-sigur pa mas informacion.

- Advertisement -

DUNA COMENTARIO

Please enter your comment!
Please enter your name here