Home General AZV mester a bati bancarota na 2014!

AZV mester a bati bancarota na 2014!

53
0
SHARE
- Advertisement -

Placa di pueblo a scapa e wega politico di seguro social pafo di SVb 

  • E experencia di SVB lo por a evita e desastre di seguro social AZV 
  • No ta Covid-19 pero virus di politikeria a keda menasa for di 2001 

ORANJESTAD(AAN)– Dentistanan a bati alarma den mundo medico na Aruba. Nan ta parti di e totalidad di expertonan riba tereno medico y paramedico na Aruba cu ta expresa nan preocupacion pa loke ta pasa cu AZV.

Awe mundo politico tin un deber cu ciudadanonan di Aruba cu ta wordo directamente afecta pa e forma cu sin conocemento berdadero di loke ta haci, a introduci un seguro general cu awe a bira menasa pa Arubianonan.

Con AZV a wordo introduci? Pakico for di momento cu Parlamento a acepta AZV e no a wordo introduci pero Gobierno Henny Eman  2001 na forma sorpresa a introduci e seguro general cu tabata un concepto di MEP cu Parlamento a acorda?

“Tur hende lo bira igual” tabata e eterno letania politica cu a caracterisa AZV, un seguro social cu no a bay forma parti di SVb.

Un punto cu poco bes ta bini dilanti pero ta demostra kico ta politikeria. SVb a wordo introduci dor di Hulanda como e banco cu ta garantisa “leynan social” ora industrialisacion a alcansa Aruba y Curaçao den forma di refineria.

Sociale Verzekeringsbank (Banco di Seguro Social) ta duna un bon refleho di loke SVb ta den su esencia.

El a wordo introduci prome cu e islanan a haya autonomia riba insistencia di Hulanda cu tabata kier garantia pa bienestar di trahadonan local pero tambe internacional cu tabata yega e islanan.

SVb tabata regla cuido medico den e sentido cu e tabata percura pa tur trahado ta cubri den situacion cu malesa lo a stroba nan di traha.

SVb tabata percura pues pa seguro social riba tereno di salud y tabata e prome instancia indica pa mira con ta yega na un seguro general, si esaki tabata posibel.

Realidad ta, cu ora a introduci AZV y a bira otro entidad di seguro social pero sin e experencia cu SVB tabata tin riba seguro social.

Tur hende a bira mescos manera a wordo bisa na 2001 ora tur hende mester a acepta cu ta loke gobierno kier nan ta haya.

E resultado tabata, cu e ansha di Arubianonan pa bay inscribi nan mes na Hulanda pa haya e probecho medico a bira mas grandi mientras cu pa un segundo opinion, tabata bula bay Punto Fijo aunke tabata paga AZV.

Ora mira e riesgonan cu AZV tin den su pakete, por mira cu AZV tabata tin cierto servicionan cu mester tabata sa cu no por paga. Resultado tabata cu awe mester corta y sigui corta pasobra AZV a bay traha un trabou cu e no tabata ekipa pa traha.  Punto!

Awe Hulanda kier pa tuma medida. Ta bon pa Hulanda bay mira kico ta haci cu AZV ya cu e cuido medico cu Hulanda ta brinda, ta haci cu hopi Arubiano semper a bay inscribi na Hulanda pa despues di tratamento cu no por a haya na Aruba, bolbe nan pais.

Esaki no tabata caso solamente di Arubiano pero tur e habitantenan di e islanan Hulandes, influencia pa e atraccion di leynan Hulandes pa cual ta paga belasting sumamente halto y tambe prima cu Arubianonan no por paga.

Awe mundo politico tin e deber di splica pueblo cu politica no por maneha un seguro general pasobra politica mester mira color politico, manera a sosode ora a introduci AZV na 2001.

Berdad nunca a perhudica ningun nacion. Ta falta di berdad casi a sink Aruba cu awe mester wordo respeta.

Pasobra awe tur Arubiano a bira mescos. Tur mester paga AZV, cu nunca tabata sa kico e ta haci manera cifranan ta demostra. Si AZV tabata un seguro priva for di 2014 e mester a cera su portanan pasobra e no por a paga su debenan!

Ban spera awor madurez politico pa evita desaster pa salud di e Arubiano!

 

 

 

 

 

 

- Advertisement -

DUNA COMENTARIO

Please enter your comment!
Please enter your name here