Home General AZV a pasa hacha masha mahos mes den cobertura di Dentistanan

AZV a pasa hacha masha mahos mes den cobertura di Dentistanan

4847
0
SHARE
— Pashentnan awor hasta mester paga ora cu bishita Dentista na Warda.
- Advertisement -

ORANJESTAD (AAN): Un informacion cu ta bay laga hopi pashent desanima, ta e hecho cu AZV a dicidi na corta diferente servicio di Dentista cu nan tabata cubri!  Incluyendo varios tratamento cu muchanan tabata ricibi gratis.

   Esey a wordo confirma door di e.o.  Aruba Dental Society.

   Nan a splica cu Dentistanan ta hopi preocupa cu e ultimo informacion di AZV caminda cu mas medida ta ser introduci pa corta gasto.  Esey cu e consecuencianan devastador pa cuido oral.

   A ser splica na DIARIO, cu AZV kier corta tur cuido dental pa esnan riba 17 aña di edad, cual ta resulta den e porcentahe mas grandi di nos poblacion.

   Pues loke lo wordo afecta ta entre otro:

  • Consulta di dolor (incluso ora di dentista na warda).
  • Potret ora di dolor.
  • Tratamento di dolor di diente.
  • Receta prescribi door di dentista.
  • Biopsia.
  • Trauma of accidente.
  • Plancha (diente falso).
  • Ranca diente.

   DIARIO a comrponde cu AZV tambe lo saca orthodoncia for di e pakete pa esnan bao di 18 aña di edad.

   E pashent mes lo mester paga pa e servicionan aki for di su propio cartera!  Ta asombra di con AZV no a por ehemplo introduci un eigenbijdrage envez di djis corta tur cos!  Esey ta algo cu hopi observador no ta compronde.

   Hecho ta cu pashentnan ta ser perhudica pa cuido basico durante di crisis, e tratamentonan menciona ta un necesidad, no un luho. E cambionan drastico aki lo afecta precisamente esnan mas vulnerable (cu menos recurso) den nos comunidad.

   Ademas dentistanan ta lamenta e falta di transparencia di AZV. AZV a impone tur medida a corto plazo y sin pensa riba e consecuencianan cu ta fatal pa e pashent y tambe pa AZV.   Problemanan dental ta trece complicacion pa e salud en general:

  • Problema pa kauw.
  • Interaccion cu regulacion di diabetes.
  • Problema pa curason/pulmon/stoma.
  • Crea isolacion social.
  • Problema (psycho) social (por ehempel ta bira mas dificil pa haña trabao).

    Si un pashent no tin e manera pa paga pa e cuido necesario por spera cu un pashent:

– Ta keda innecesariamente largo cu dolor.

– Lo tuma mas medicamento cu necesario y/of sin bon indicacion.

– Mas ziekmelding na trabao.

– Ademas otro instancianan medico lo ser sobrecarga (un pashent cu pa motibo financiero no por permiti su mes di bay dentista lo bay hospital of su dokter di cas y na final di dia sin por ricibi e cuido adecua).

– Ta bai bishita ‘dentistanan’ ilegal cu por forma un peliger pa su mesun salud, pasobra no lo tin regla di hygiena, garantia di diploma, etc.

   Tur esaki lo tin un impacto negativo riba e calidad di bida di e pashent y ultimamente por ta hopi peligroso pa su salud.

   Cu e medidanan aki e sosten cu Aruba a brinda mas cu 50 aña pa e cuido basico aki ta desaparece por completo, sin previo aviso. E ta trese un situacion hopi preocupante.  AZV ta boga pa accesibilidad di cuido, calidad di cuido na un prijs rasonabel.

   Kitando e pakete basico di cuido oral pa adulto ta exactamente lo contrario di e mision y vision di AZV. Sin e ayudo adecuado e desvio lo trece retraso y costonan mas halto pa AZV y Aruba mes.

   Pero di con corta net den cuido di Dentista?  Siendo cu tin otro sector cu ta costa mucho mas placa.  Pasobra awor, ademas cu e parti di tandheelkunde full, pues incluyendo orthodontie y e labnan tecnico ta wordo kita, siendo cu esey ta djis un fraccion masha chikito mes di e budget di AZV pa aña.

- Advertisement -

DUNA COMENTARIO

Please enter your comment!
Please enter your name here