Home Parlamento Ayudo di cuminda di Fundacion pa Comunidad a subi di 200 famia...

Ayudo di cuminda di Fundacion pa Comunidad a subi di 200 famia pa 3006 door di Coronavirus

25
0
SHARE
- Advertisement -

Parlamentario Darlaine Guedez-Erasmus di MEP:

ORANJESTAD (AAN) – Parlamenterio Darlaine Guedez-Erasmus, di fraccion di MEP, a referi na e tema “ayudo di cuminda”, durante un conferencia di prensa.

Sra. Guedez-Erasmus a señala cu mirando e aumento drastico di e necesidad di cuminda cu tin na Aruba, CEDEAruba a entrega un peticion na gobierno pa un ayudo financiero di 750 mil florin, pa Fundacion pa Nos Comunidad reparti mas pakete den pueblo.

E Parlamentario a indica cu Conseho di Minister a aproba e peticion aki y Parlamento a sostene e decision di gobierno aki.

Na inicio di siman cu a pasa, CEDE Aruba y Fundacion pa Comunidad a haci un presentacion na e parlamentarionan tocante con nan ta traha, y e diferencia entre prome cu Coronavirus y durante e pandemia.

Prome cu Covid-19, un average di 200 famia tabata ricibi ayudo di Fundacion pa Comunidad den forma di pakete di cuminda.  Pero desde Maart ultimo, ora cu Coronavirus a yega Aruba, e necesidad pa ayudo a aumenta drasticamente.

El a informa cu 3006 famia ta hayando ayudo cuminda aworaki, locual ta nifica 8600 persona. E directiva ta calcula cu 125 pakete di alimento ta wordo duna acerca, cada siman, y esaki ta keda aumenta mirando cu hopi hende a, y ta sigui, perde trabao.

Ademas di e paketenan di cuminda aki tambe a wordo otorga cumindanan cayente, sra. Guedez-Erasmus a menciona. Esaki den e periodo cu tur hende tabata keda hopi mas cauteloso paden di cas.

E parlamentario a expresa cu e por a mira di cerca con e boluntarionan ta traha, unda famianan tabata traha cuminda cu nan a entrega na Kibrahacha, pa e boluntarionan por a parti esaki rond y nan mes tabata bay na cas di personanan cu riba nan mes, no por a yega te Kibrahacha.

Sra. Guedez-Erasmus a keda hopi bon impresiona cu e solidaridad di e famianan cu a duna cuminda cayente na esnan den mas necesidad, loke no kiermen cu nan mes tabata tin hopi pero si a saca man pa duna, pa otronan tambe por haya.

E parlamentario a expresa palabranan di elogio pa e boluntarionan di Fundacion pa Comunidad.

- Advertisement -

DUNA COMENTARIO

Please enter your comment!
Please enter your name here