Home Cultura Awe lo hiba Vicente Kelly pa su ultimo lugar di sosiego

Awe lo hiba Vicente Kelly pa su ultimo lugar di sosiego

245
0
SHARE
- Advertisement -

ORANJESTAD (AAN)- Awetardi lo hiba e cantaautor Vicente Kelly pa su ultimo lugar di sosiego. Aki ta sigui un biografia chiquito di Vicente.

 Vicente Fortunato Kelly a nace dia 21 di januari 1951. Pa su casa Elvia e ta Vicente, pero hopi hende ta yame Chen, otronan ta yame Vicente. Nomber di Vicente su mama ta Bernadina Brete y su tata ta Dominico Agustin Kelly.

   Su mama a nace 27 di september 1919 y su tata a nace 3 di september 1910. Vicente a nace y crece den e bario di Papaya, Paradera. E tin nuebe ruman. E ta di seis ruman. Vicente Kelly ta casa cu sra. Elvia Elizabeth Werleman naci 6 di November 1955.

 

Nan a casa dia 8 di October 1982. Nan tin cuatro yiu: e mayor ta Reynold Kelly, naci dia 3 di December 1971, e di dos ta Maureen Carolin Kelly, naci 29 di Mei 1972, despues ta sigui Elton Kelly, naci 18 di juni 1980 y di mas chikito ta Ariane Angelique Kelly, naci 19 di Augustus 1985. 

   Den famia Vicente tin mas rumannan musico cu a toca cu ne den banda. Den su yiunan tin tres ta cantante y e dos yiu hombernan un di nan ta desiñado di zonido gradua y e otro ta catagorisa como un di e mihor zonidistanan di Aruba.

    Vicente no a cambia como musico. Ela sigui desaroya bira mas grandi ora Elvia a conoce, pero como persona igual. Vicente no tabata un hende cu bo por bisa e ta bay toca afor, famia ta keda atras. No! Tur tin cu bay cu ne! Casa, yiunan, tur tin cu bay. Pasobra, pe un exito no ta un exito si nan no ta testigo di su exito! Testigo di loke cu e ta pasando aden. Vicente tabata un persona ya, bo por bisa completo. Pa loke ta den su musica, loke ta presenta, canta, toca, biba cu e personanan, esey tabata su bida! Su bida, Elvia no a wak Vicente cambia, al contrario cambia pa miho!  Cada biaha, cada aña, segun añanan tabata pasa.

    Vicente a cuminsa hopi jong, pasobra su rumannan tabatin un banda cu yama “Estrellas Del Campo”. Pero prome cu esey, Vicente tabata milita den un agrupacion di aguinaldo cu tabata “Blancas Palomitas.” Pero a lo largo el a bay over pa e banda di su rumannan y nan a dicidi cu e ta bay sigui como “lead” den e banda. Su tata a cumpra un  acordeon p’e, ya e tempo aya pa 125 florin na Chipi-Chipi. Cu su diescuatro aña practicamente el a cuminsa toca den banda, te cu el a yega na un orkesta grandi. Cu 17 aña, na 1968, el a funda hunto cu Victor Oduber “Los Juveniles”.

   E banda aki a existi pa diestres aña largo y nan tabatin varios exito. Vicente liderando cu acordeon y despues a bay over pa orgel.  Nunca Vicente a haya les di orgel ni di acordeon.

    Te ora cu el a yega na forma “La Nueva Fuerza”, el a bay un par di les di piano, pasobra ey ya e no ta “lead” mas, pero e ta un acompañante den e banda. Despues di “Los Juveniles”, sr. Tico Kuiperi a yama e grupo di Vicente pa bay toca riba veld di softball “Los Barbaros Del Ritmo” y tambe  den “Show Time” na Tele Aruba. Door cu e musica tabata hopi pimentoso.

- Advertisement -

DUNA COMENTARIO

Please enter your comment!
Please enter your name here