Home General Awe DIARIO ta lucha pa restauracion autonomia

Awe DIARIO ta lucha pa restauracion autonomia

350
0
SHARE
- Advertisement -

Cu menasa di morto DIARIO a lucha pa Status Aparte

*Peliger directo a wordo enfrenta den victoria historico di Aruba

*For di prome momento enemigonan di Status Aparte tabata ataca

ORANJESTAD (AAN) — Cuarenta aña pasa, un Arubiano a lanta para. Jossy Mehsen Mansur a reconoce e necesidad di Aruba pa tin su propio corant matutino.

Papiamento di Aruba y e necesidadnan di Aruba pa conserva su cultura y traha riba su autonomia, su Status Aparte.

Introduccion di DIARIO na Aruba no tabata facil. Enemigonan for di e prome momento di existencia di DIARIO a nace den gruponan di comunidad y tabata haci intento pa kibra DIARIO y asina kibra e forsa di Status Aparte, cu a bira e victoria historico di Aruba na e Conferencia di Mesa Rondo na Hulanda na 1983.

Menasa di morto DIARIO mester a enfrenta den agitacion di enemigonan di e lucha di Aruba pa Status Aparte, cu DIARIO a nenga di traiciona pa evita cu lo a sigui herida e alma Arubano cu tanto bes a wordo herida.

Tabata DIARIO cu a entrega na Aruba e prome noticia cu Status Aparte a wordo logra pa lunanan despues Jossy Mansur mester a para na cama di Betico Croes, cu casi a perde su bida despues cu el a logra autonomia di Aruba.

Ta den dolor y trabou pisa, DIARIO a keda cu pueblo di Aruba cu tabata tin prueba cu DIARIO no tabata tras di otro logro cu no tabata Aruba.

E prome matutino di Aruba a nenga aviso pa e edicionnan y e nenga pa DIARIO wordo bendi pafo di Aruba pa asina evita cu presion financiero lo a wordo poni riba DIARIO y asina afecta e lucha di Status Aparte.

Na 1985 DIARIO tabata uno cu Aruba, cu tabata yora perdida di Lago. Oficina di DIARIO tabata luga di encuentro di e Arubiano honesto, cu a bringa y a lucha pa autonomia di e pais.

Ta e dolor di lucha di DIARIO a haci cu mas cu ningun otro, e por a transmiti loke tabata biba den curason di e Arubiano cu no a bende su alma cu otro proposito cu no tabata bienestar di su pais.

Dilanti porta di Status Aparte, DIARIO a yora hunto cu Betico Croes cu a bandona Aruba sin bolbe nunca mas despues di e accidente fatal. Pero e union entre DIARIO y Betico Croes a continua y tabata Jossy Mansur cu for di cama di e heroe di Aruba, tabata tene e pais nobo na haltura di e salud di Betico Croes, di kende Aruba na un forma doloroso mester a despedi.

Aruba mester a sigui. Den e situacion aki DIARIO a demostra Arubianismo y a duna sosten na e intentonan pa rescata economia di Aruba.

Un persona cu a hunga un papel importante tabata Watty Vos, cu semper tabata den contacto cu Jossy Mansur.

Awe DIARIO mester sostene un lucha nobo pa Aruba cu ta sink bou di un debe nacional,  bou di e hipoteca di proyectonan PPP, bou un maneho desastroso cu a trece un Citgo na man di Nicolas Maduro, cu a destrui Venezuela y haci a haya oportunidad di destrui Aruba tambe.

Awe DIARIO ta lucha pa e restauracion di Status Aparte cu pueblo di Aruba a pone na 2017 den man di Gabinete Wever-Croes, cu mester bay hiba Aruba na e momento na 1983, ora sodo di pueblo di Aruba a bira victoria di Aruba.

DIARIO ta sostene e lucha nobo di e pueblo Arubano, cu alma Arubano di dignidad cu ta yora perdida di su Status Aparte, su autonomia cu debe nacional, e proyecto di fantasia di Citgo y entre otro e fondo di 1.6 Biyon a sink!

 

- Advertisement -

DUNA COMENTARIO

Please enter your comment!
Please enter your name here