Home General Awe Cecilito Lopes ta celebrando 34 aña na radio

Awe Cecilito Lopes ta celebrando 34 aña na radio

61
0
SHARE
- Advertisement -

ORANJESTAD (AAN): Riba e fecha di 1 Juni 2020, ta observa cu ta net 34 aña pasa cu conocido locutor y presentador di programa na TV y radio, esta Cecilito Lopes a cuminsa labora den e mundo di radio difushon aki na Aruba.

   Na 1986 Cecilito a cuminsa na Radio Antillana 1270 AM y a sigui den curso di e aña nan na diferente emisoranan local, y awe mes ta formando parti cu empresanan Croes cu desde 16 April 2020 for di 1’or di merdia te cu 3’or di atardi ta laborando na Aruba 91.5 FM di su director Edmond Croes.

   E 34 aña experencianan durante añanan cu bo ta siña loke ta presenta bo programa pa bo dushi pueblo di Aruba cu awe unda cu bo bira bo ta ser conoci rond pa grandi y chikito.
   “Mi ta asina contento na e momentonan aki cu mi ta recordando cada aña cu tabata exitoso den bida,” Lopes a indica.  “Mescos un baby ora e nace e ta siña gatia y despues ta cuminsa cana y djey bira grandi awel asina ta cada un di nos cu ta stima nos trabao, despues cu bo logronan bo ta cosecha mayan.  Tur cos ta bini dibo, nada den bida no ta facil bo tin cu lucha y sigui wak padilanti, tur loke cu bo pasa awe, ya majan e ta pasado.”

   Cecilito a sigui bisa: “Mi ta gradici Tata Todopoderoso pa e don cu el a dunami pa ta un locutor cu semper a trece e animashon pa grandi y chikito ta gusta, danki specialmente na mi mama cu a guiami den bida, mi yiunan Chanella y Charella specialmente na mi 2 tesoronan Roelldric y Liheina cu awe tambe ta desea nan Papa C hopi pabien y sigui cu e bon trabao.
   Na tur mi radio oyentenan masha masha danki di curazon y especialmente ta tur mi bon comerciantenan cu semper a sa di respaldami den mi aña nan na radio, masha danki na un y tur.

- Advertisement -

DUNA COMENTARIO

Please enter your comment!
Please enter your name here