Home General Atrobe mesun tropa brabo di cacho na Pos Chikito a ataca hoben...

Atrobe mesun tropa brabo di cacho na Pos Chikito a ataca hoben deportista y a morde

161
0
SHARE
- Advertisement -

ORANJESTAD (AAN): Tabata Diasabra atardi cu un atleta hoben cu tabata entrena su curpa y jog riba e caminda patras for di Sabana Basora rumbo pa Pos Chikito pa sali patras di Oficina di Serlimar, diripiente a wordo atraca pa un tropa di cacho net dilanti Pos Chikito 49-G.

   Unidad di Polis mesora a yega, y a tende di e atleta hoben cu e tabata jog net na rand di caminda, ora cu diripiente un monton di cacho a bin masha brabo riba dje, y na final uno di nan a rek y a hap e na su bil.  E mordi aki a hasta kibra su paña di atletismo.

   Tambe e mordi aki a ranca pida cuero di e hoben di 17 aña di edad.

   Bisiñanan a bin bisa Polis cu nan tur ta fada di e situacion aki!  A ser splica cu e habitante di e cas ey tin no menos cu 21 cacho, y tur di na ta brabo.  Semper nan tin porta habri, y e animalnan ta ataca tur ciclista, tur peaton, y tur jogger.  Pesey casi nunca no por organiza ni un Caminata of Marathon dilanti e cas ey.

   Bisiñanan a bisa cu e cachonan aki no ta biba den cura di e habitante, pero nan tur ta aglomera bao di un Chevrolet Blazer cu tin daña dilanti e cas.  E cas tambe ta yena cu auto bieu sea pa benta afo of pa drecha.

   Ora cu tur hende a kere cu Polis lo bay duna e habitante un scual, e agentenan a djis pidi e habitante masculino pa e percura pa su cachonan ta paden di cas.  Esey so, y nada mas.

   Fuera di esey, Polis di San Nicolas tin amplio experiencia caba na e cas ey, di hendenan cu ta keha encuanto e cachonan aki.  Y no obstante cu awor tin Ley di Cacho, ta parce cu pa Polisnan di San Nicolas, esaki no ta valido pa e adres ey di Pos Chikito.

   Kizas e agentenan di San Nicolas bao Halto Comisario suplente Vanessa Kock ta warda te ora cu un mucha inocente muri, pa e ora numa bay actua?

   Den pasado e cachonan brabo aki a yega di morde hopi hende, incluyendo un dama C. Willems kende den pasado a hasta finaliza na Servicio di Emergencia na Hospital, net despues cu el a hiba muchanan scol.

   Diasabra atardi ora esaki a socede, e habitante no a ni sali pafo ofrece disculpa, ni pa mira ki herida su cachonan a causa na e hoben.

   Bisiñanan ta pidiendo auxilio na Polis di Bario, ta pidi auxilio di Polis, pero te ainda nada.  Ora cu bisiñanan ta suplica e habitante pa e pone su cacho den cura, e ta core insulta y coba nan mama.

   Un persona a hasta indica, cu si acaso Polisnan di Bario no kier traha, anto berdad e ora lo ta bon pa nan bay traha na Oficina di Rijbewijs Examen y yuda cu e atrazo mahos cu tin den Rij Examen.  Pasobra casonan asina mes di cacho nan no por ni fix drechi.

   Despues di esaki e hoben a wordo hiba pa Servicio di Emergencia, unda el a haya un Tetanus-shot.  E habitante di e cas mes no a paga nada di esaki.

- Advertisement -

DUNA COMENTARIO

Please enter your comment!
Please enter your name here