Home General Artistanan Latino ta esnan mas solidario durante pandemia di Coronavirus

Artistanan Latino ta esnan mas solidario durante pandemia di Coronavirus

35
0
SHARE
- Advertisement -

ORANJESTAD (AAN): E artistanan Latino ta esnan cu mas a mustra nan preocupacion y a bin ta sostene comunidad ora cu e crisis di Coronavirus a drenta, pa asina entretene publico, acompaña nan, y gradici esnan cu ayuda durante e simannan largo di keda den cuarentena, pa asina lucha contra Covid-19.

   Pensa aki riba Cardi B., Carlos Vives, Ricky Martin, Daddy Yankee, Luis Fonsi, J. Balvin y hopi mas a tuma pasonan grandi pa contribui durante e crisis aki, cu nan tempo, talento, y hasta nan placa pa yuda esnan cu mas a wordo afecta pa e pandemia.

   E siman aki mes tabata momento cu Carlos Vives di Colombia cu a anuncia e iniciativa “Tras La Perla”, cu a cera alianza cu e organizacion Global Heritage Fund, pa suministra material pa medicina y cuminda na mas di 300 famia indigeno den areanan di sero cu tin rond di Santa Marta (Colombia), cu ta su ciudad natal.

   Di su banda, Ricky Martin a lanza cu su Ricky Martin Foundation, e “Movimiento de Apoyo y Solidaridad” pa e hendenan mas vulnerable contra Covid-19 na Puerto Rico y a extende esaki na Republica Dominicana cu e yudanza di Juan Luis Guerra y otro artistanan.  Su meta ta pa distribui mas test pa detecta Covid-19 pa e por yega na e comunidadnan mas vulnerable, y duna servicio di salud mental y apoyo emocional na esnan cu ta sinti nan mes perdi of cu miedo, y sigui brinda material di proteccion special, cuminda, y yudanza pa first responders.

   E rapper Mericano cu ta bin di tata Dominicano, Cardi B., no a keda atras cu su yudanza social y pesey el a traha un deal cu e compania di paña Fashion Nova y a promove donacionnan di como 1 miyon Dollar durante April.  E artista a haci su donacion personal y a stimula su siguidornan pa haci mesun cos durante e temporada aki.

   E cantante Selena Gomez tambe a haci un donacion importante na Cedars-Sinai Hospital na Los Angeles, pasobra e centro medico aki tabatin scarcedad di mascara di cara, y tambe ventiladornan.  El a yega di haya bon cuido eynan, y awor ta su turno pa debolbe un fabor.

   E cantante Shakira mes a bay personalmente na Hospitalnan na Barcelona pa entrega material, y a manda tambe varios equipo medico y material di proteccion na miles di trahador di salud na su ciudad natal di Barranquilla na Colombia.

   Daddy Yankee cu su organizacion Daddy’s House, a bin ta yudando muchanan na Republica Dominicana pa nan sa con ta preveni pa wordo contagia di Coronavirus.

   Luis Fonsi tambe a enfoca cu su donacionnan via su fundacion na Puerto Rico, pa duna yudanza na esnan mas afecta pa e pandemia.  Tambe nan a usa social media pa apoya negoshinan chikito cu a sufri debi cu mester a cera durante e crisis.

   E artista J Balvin a haci un donacion di cantidad di equipo medico.  Tambe el a bin ta apoyando hopi hende cu ta sin nada di come e dianan aki.

  E artista Natti Natasha tambe a uni cu e organizacion di ba=sebolista Dominicano Pedro Martinez, pa alimenta famianan cu a keda sin placa na su ciudad natal di Santiago de los Caballeros na Republica Dominicana.

- Advertisement -

DUNA COMENTARIO

Please enter your comment!
Please enter your name here