Home General Algun area di Santo Domingo a keda 20 ora sin coriente

Algun area di Santo Domingo a keda 20 ora sin coriente

63
0
SHARE
- Advertisement -

ORANJESTAD (AAN): Nan ta sin coriente for di Diabiena!  E blackout a sigui te Diasabra, y pa colmo mas sector a perde coriente den varios sector di Santo Domingo.  Algun ciudadano a keda cu casi 20 ora sin coriente.

   Habitantenan di sectornan manera Invivienda, Amanda I. Ciudad Juan Bosch, El Brisal, Villa Faro, y tambe otro partinan banda pariba di Santo Domingo, a keda cu mas di 20 ora sin coriente.

   Algun cas den area di Invivienda a perde coriente for di Diabierna mainta 10:00 am.  Habitantenan di Ciudad Juan Bosch a mustra cu nan a perde coriente for di Diahuebs anochi 7:00 pm, y el a bin bek te Diabierna anochi 11:00 pm.

   Habitantenan di El Brisal a bisa cu coriente a bay eynan for di Diabierna madruga 3:00 am, y el a bin bek te Diabierna atardi 4:00 pm.

   Ademas di esey, varios habitante ta raporta cu coriente ta fluctua bastante.  Luznan den cas ta bira cla y flauw, y nan ta hasta ripara nan aparatonan ta traha raro.  Ta comosifuera cu no por mantene e ciclo di 60 Hz. Corecto na e pais.

   E reclamo no ta djis riba coriente cu ta bay pa basta ora, sino tambe cu ultimo tempo cobranzanan di coriente a subi bastante na e pais.  Y cu e blackouts aki, hopi di nan ta perde aparato electrico na nan cas.

   E compania di coriente na Santo Domingo, a bisa cu ta un vehiculo a ranca un palo di luz den Avenida Charles de Gaulle, cu a pone coriente cay den varios sector na Santo Domingo.

   Y ademas tabatin problema cu a bin debi na awacero den cierto zona di Santo Domingo.

 

- Advertisement -

DUNA COMENTARIO

Please enter your comment!
Please enter your name here