Home Parlamento Alan Howell mustrando cu awor Pedofil lo no bin na remarke mas...

Alan Howell mustrando cu awor Pedofil lo no bin na remarke mas pa bay cas trempan

228
0
SHARE
- Advertisement -

Tratamento di Ley di Pedofil

ORANJESTAD (AAN): Diabierna a trata e concepto di ley pa aumenta castigo pa Pedofilnan, den Parlamento di Aruba.

   Parlamentario Alan Howell di Partido POR, ta haya e tema uno fastioso, y no ta un tema bunita, pero e ta uno cu ta realidad.  Den bida ora cosnan ta realidad, bo tin di confronte pa con duro e por ta.

   Importante pa pueblo y tambe tur esnan cu no sa mihor, nota cu tin sistema cu ta Trias Politica, unda Parlamento tin su rol pa por traha cierto leynan, y aproba cierto leynan.  Tambe tin e parti cu ta den man di Hueznan, unda Parlamentarionan no por cruza e linea ey.

  Parlamento tin di percura pa bin cu leynan cu por proteha, y cu ta na bienestar di ciudadanonan.  Di otro banda, Hueznan tambe tin di haci su trabao.  Pasobra berdad cu Gobierno por haci trabao di cambia ley, Parlamento por haci su trabao di aproba ley, pero na final di dia ora di duna sentencia, e ta for di alcance di Gobierno of Parlamento.

   Pueblo ta verwacht di Gobierno y Parlamento pa haci algo!  Asina gobernantenan ta demostra cu nan ta haciendo e trabao, y ta desaproba abuso di muchanan.

   E ley aki ta hisa castigo.  Tin cierto hende cera na KIA, ora cu celnan ta yen tin di traha espacio pa otro drenta.  Antes ta djis bay mira kende ta esun mas cerca pa bay cas, sin tene cuenta pa ki tipo di delito e ta cera.  Pa ‘x’ motibo, pasobra e persona aki ta casi termina su sentencia, e ta gewoon sali bay.  Asina ta bin haya sa cu cierto malhechor a sali liber.

   Esaki ta algo cu e ley aki ta bay cambia.  Un hende cu comete un abuso sexual contra mucha, ni si e falta 1 siman of 2 siman, debi cu el a comete e delito aki, e malhechor no ta yega na remarke pa bay cas mas trempan.  Antes e no tabata asina.

   Tin di e ley tambe poni, cu e malhechor no ta yega na remarke pa bay cas trempan tambe pasobra a comporta nan mes bon.  Esaki tambe ta poni den e ley.  Antes no tabata asina.

   Ta compronde e preocupacion di coleganan cu kizas esaki no ta e mihor remedi.  Pero nan ta herment cu pro sigui usa pa yega unda nos kier yega.

   Tambe Howell y Lopez-Tromp a bin cu e ley iniciativa pa castigo minimo, y awor ta tratando e contesta di Raad van Advies.  Ohala cu pronto e huristanan cu ta trahando riba e aanvulling cu tin di haci, y ohala dentro di poco e lo ta bek na Parlamento.

   E discusion aki ta un dolor grandi, pasobra Aruba no ta unico na mundo cu ta confronta esaki.  Pero pa un pais chikito, ora di mira e cifranan ta cuanto caso di abuso di mucha tin, e ta espantoso.  Nos tin cu haci algo cu esaki.

  Mensahe pa mayornan ta pa nan ta mas conciente, sa unda bo a laga bo yiu atras ora di bay traha.  Net e hende cu menos bo a spera, ta comete e actonan aki.

   Cu e malhechornan aki merece haya mas castigo, ta algo cu Howell ta sostene 100 porciento.

   Howell a pidi pueblo pa asisti na e manifestacion cu lo bay tin, pa manda un señal cu “Ta Basta”.  E ta kere cu si pueblo sali na multitud, e ora Hueznan tambe lo haya un wake-up call.

- Advertisement -

DUNA COMENTARIO

Please enter your comment!
Please enter your name here