Home Impuesto Aerolinea LATAM a retira 400 empleado debi na impacto di pandemia

Aerolinea LATAM a retira 400 empleado debi na impacto di pandemia

29
0
SHARE
- Advertisement -

ORANJESTAD (AAN): Den fin di siman a bira conoci cu LATAM Airlines a despedi 400 empleado for di su filialnan na Chile, Ecuador, Merca, Mexico, y Uruguay debi na e impacto pa e pandemia di Coronavirus riba e cuenta financiero di e aerolinea.

   E compania a bisa cu ta trata aki di un decision hopi dificil pero necesario, y debi na e hecho cu Covid-19 a plama rond mundo y a mustra cu e decision aki tin como unico meta pa e compania por keda existi den futuro.

   Ademas, e aerolinea a confirma cu a retira 129 trahador na su filial na Peru.  “Lamentablemente pa prome biaha nos a haya nos forza pa pasa pa e medida legal di retiro,” nan a indica.

   E compania a bisa cu e momentonan aki ta un di e crisisnan economico peor den sector di aviacion, despues cu ya caba nan a trata di bin cu varios medida, e.o. reduccion di salario, programanan voluntario di retiro, y hasta duna hende mas vakantie.

   Recientemente e aerolinea a anuncia suspension di contract di trabao na Colombia como consecuencia di e paralizacion di vuelonan debi na Covid-19, como tambe e hecho cu nan no por haya ganashi di e benta di vuelo na Colomia.

   Siman pasa 17 di Juni, LATAM a anuncia cu nan lo stop cu vuelonan domestico na Argentina, loke ta pone na peligro e mas di 1.700 empleo na e pais ey.

 

- Advertisement -

DUNA COMENTARIO

Please enter your comment!
Please enter your name here