Home General Acusacion di Fundacion contra Otmar Oduber relaciona cu Caso IBIS ta basa...

Acusacion di Fundacion contra Otmar Oduber relaciona cu Caso IBIS ta basa riba shisheria

225
0
SHARE
- Advertisement -

ORANJESTAD (AAN): E siman aki, Fundacion Nos Ta Aruba a haci un denuncia na Ministerio Publico, acusando ex-Ministro Otmar Oduber di varios caso di supuesto corupcion.

   Oduber na su turno awor no ta politico mas, sinembargo Diamars mainta a ofrece un conferencia di prensa unda el a desenmascara uno-pa-uno cada punto cu e Fundacion di Michael Williams a denuncia.

   PUNTO DOS:

   Otmar Oduber a mustra cu e punto dos di e denuncia di e Fundacion Nos Ta Aruba, ta referente na e Caso IBIS.  Manera ta conoci, tin un veredicto di Huez unda un ex-Ministro a wordo condena.

   Segun Fundacion Nos Ta Aruba, debi cu Otmar Oduber tabata Ministro di Labor prome cu e ex-Ministro ey, esey nifica cu e tambe a forma parti y cumpli cu actonan castigable e tempo ey.

   Pero Oduber a splica, cu su Ministerio e tempo ey tabatin un proceso cu a wordo poni netamente pa evita cu permisonan ta wordo usa y bendi, y e tempo ey hasta a stop e proceso di permiti ‘tramitadornan’ pa evita cu tin permisonan ta wordo usa y bendi, y a hasta stop e tramitadornan pa evita cu tin oferta ta wordo haci pa compra y benta pa cualkier permiso.

   Oduber a bisa cu e ta welcome tur investigacion, pero ya caba for di documentonan oficial, bo por deduci caba cu e denuncia di e Fundacion Nos Ta Aruba tin nada di prueba y cantidad di redashi estilo “nan di”.  Ningun punto cu ta wordo treci dilanti como prueba.

   Si acaso Fundacion Nos Ta Aruba no por proba esaki, e ora nan tin di bay para responsable tambe pa e acusacion falso aki.  Segun Oduber, e ta para pa e Oficina cu e tempo ey no tabatin nada di haber, y cu e investigacion a wordo haci den cuadro di e Caso IBIS, y no a haya nada robez cu a ser detecta di a tuma lugar.

- Advertisement -

DUNA COMENTARIO

Please enter your comment!
Please enter your name here