Home General Acusacion contra Otmar Oduber encuanto tereno na Savaneta ta un nonsense completo

Acusacion contra Otmar Oduber encuanto tereno na Savaneta ta un nonsense completo

178
0
SHARE
- Advertisement -

ORANJESTAD (AAN): Ora cu Otmar Oduber a tende cu Fundacion Nos Ta Aruba di Michael Williams a bay entrega denuncia di corupcion contra dje, relaciona cu tereno masha grandi mes cu e lo a otorga na Savaneta, pa asina permiti cu facilmente oro y droga por drenta Aruba… na prome instante el a sinta pensa hopi largo ta cua tereno e lo a otorga na Savaneta cu ta asina grandi y banda di costa.

   Esey ta loke e ex-Ministro a declara Diamars mainta durante un conferencia di prensa pa desbarata tur acusacion treci contra dje.  Asina por deduci cu hopi di e acusacionnan ta djis nonsense.

   PUNTO CINCO:

   E acusacion tabata cu Oduber, como Ministro di Tereno y Infrastructura lo a duna un tereno grandi na costa pa asina facilita traficacion di oro, droga, y hende.

   E ex-Ministro a purba pensa, ta cua tereno nan lo ta referi na dje.  Unico cu e ta corda ta cu el a otorga tereno banda di lama na dos Arubiano, di cual uno di nan ta famia Henriquez cu pa basta tempo tin un Boutique Hotel chikito cu algun Bungalows na Savaneta.  E ta un yiu di tera cu un negoshi cu ta draai, y el a cumpli cu tur rekesito den e proceso pa por haya e tereno, segun ley ta exigi pa tur hende.  E otro tereno ta di famia Refunjol-Maduro cu tambe tabata pa e meta aki.

   Pero ningun di dos ta hopi menos cu 1.000 meter cuadra.  Pues Oduber no ta compronde ta cua ta e tereno ‘enormemente grandi’ cu a wordo otorga.  Pa colmo e Fundacion no ta keha cu a otorga tereno, pero ta denuncia cu esey a wordo haci pa facilita entrada di ilegalnan di Venezuela y demas traficacion di droga.

   Esaki ta un nonsense completo, pasobra net awor cu Guardacosta ta hopi activo riba lama, tin mas control cu nunca, y specialmente como cu tin personal mas atento ta vigila radarnan maritimo.  Inversionnan haci na Marinierskazerne y Guardacosta cu ta ubica na Savaneta mes, ta un blokeo grandi pa cualkier traficacion riba lama.

   Awor tin mas control cu nunca riba lama pazuid di Savaneta.  Anto Fundacion Nos Ta Aruba ta keriendo cu traficacion ta socede na Savaneta?  “E ta un nonsense completo,” Oduber a bisa.

 

- Advertisement -

DUNA COMENTARIO

Please enter your comment!
Please enter your name here