Home Gobierno A pesar cu tin cero caso registra, no tin garantia cu  Coronavirus...

A pesar cu tin cero caso registra, no tin garantia cu  Coronavirus no ta na Aruba mas

257
0
SHARE
- Advertisement -

Ta drenta awe den un fase nobo

ORANJESTAD (AAN):  Premier Evelyn Wever-Croes a duna di conoce cu el a mira hopi hende caba riba caya, den fiesta, y hopi hende a tuma e echo cu Aruba a yega na cero caso y cu a kita mayoria di e limitacionnan como un momento pa distrae, relaha.

El a bisa cu berdad ta un bon momento pa para keto na dje, pero ainda no a sali di e crisis. Aruba no a sali di e riesgo ainda.

Tin un grupo grandi di personanan den cuarentena y tin cu cuminsa prepara pa e siguiente stapnan, a remarca.

Pa awe dialuna ta inicia cu Fase 3 y mas sector nobo ta habri manera Lotto, Catochi, wega di number pero te cu 6:30 pm. Tambe ta habri restaurant/bar paden, te cu 10 pm pa cliente. SPA, massage y sauna.

Aworaki cu ta na cero caso positivo di Covid-19, esey ta pone tur cos den un otro contexto y mester keda ta alerta.

Ta drenta den e fase nobo aki, pero ta pidi pa tur hende ta alerta y keda cu e cautela. Ta bay keda enfoca riba e aspecto di salud, e mandatario a duna di conoce. No kier pa bay haya un ola nobo di Covid-19 y no por control’e.

Evelyn Wever-Croes a bisa cu kier ta prepara pa un siguiente ola ora cu e bin pasobra ta casi sigur cu Aruba lo haya casonan nobo atrobe. No mester spanta e ora, pero mester ta prepara.

Ta bay pone enfasis tambe riba reactivacion di e economia, riba habri scolnan pa e muchanan por bay scol sin ningun problema. Y pa tur hende cu tin trabao ainda por bay bek na nan pia di trabao, a bisa.

Tambe ta bay enfoca riba e proyectonan nobo cu tin pa crea mas cupo di empleo.

Den e normal nobo aki ta keda tres regla basico. Pesey no ta bay na e normal bek. Ta bay na e normal nobo tin tres regla hopi importante: tene distancia for di otro, aplica reglanan di higiene y ora bo ta sinti un sintoma, keda paden y haci un cita pa test, a agrega.

E mandatario a remarca cu mester sigui tur e reglanan aki pasobra no tin garantia cu e virus aki no ta na Aruba mas. No tin ningun caso registra positivo, pero no tin garantia cu e no ta na Aruba mas.

Aruba mester cuminsa prepara pa habri e fronteranan, pa ora cu trece mas di e residentenan pega den exterior. Si laga esaki bay awor y haya un di dos ola, e ta bira mas dificil pa tur hende bay custumbra di nobo, Premier Wever-Croes a indica. 

- Advertisement -

DUNA COMENTARIO

Please enter your comment!
Please enter your name here