Home Policial A elimina Toque de Queda y hende a cuminsa comporta “a lo...

A elimina Toque de Queda y hende a cuminsa comporta “a lo loco”

538
0
SHARE
- Advertisement -

Alto Comisario Tjon-Kock

ORANJESTAD (AAN):   Alto Comisario Vanessa Tjon-Kock a mustra su preocupacion ora cu a constata cu despues di a elimina e toque de queda siman pasa, cu durante 3 pa 4 dia, hende a cuminsa actua “a lo loco” na Aruba.

El a laga sa cu Polis a confronta den e dianan aki cu hopi accidente, 20 accidente den cual 6 caso tabata tin herido. Esakinan mayoria a sosode entre 9 pm y 6 am.

A splica cu tambe tabata tin hopi consumo di alcohol, pleitamento, hincamento, problemanan domestico, establecimentonan cu no a cumpli cu orario di ciere, entre otro.

Tjon-Kock a remarca cu den e normal nobo aki comunidad mester ta mas consciente y tene cuenta cu tur e aspectonan aki. Ainda no a ni habri frontera, a bisa y tur e cosnan aki ta sosodiendo den apenas algun dia cu a elimina e medidanan.

Aworaki tur hende kier sali y esaki tambe por sali for di man. Pero mester tene cuenta cu polis lo actua tambe pa garantisa orden publico y seguridad di e comunidad.

Pesey el a haci un apelacion na cada un pa tene cuenta cu e comportacion, cu e consumo di alcohol y tambe e conducta den trafico.   

- Advertisement -

DUNA COMENTARIO

Please enter your comment!
Please enter your name here