Home General Victoria’s Secret lo cera 250 tienda na Merca y Canada despues di...

Victoria’s Secret lo cera 250 tienda na Merca y Canada despues di Covid-19

91
0
SHARE
- Advertisement -

ORANJESTAD (AAN): E compania madre di Victoria’s Secret, L Brands, a informa Diaranson cu pa di tercer trimester nan ta perdiendo placa.  Nan a cay cu 37%, debi cu nan tiendanan a wordo obliga na cera debi na e crisis di Coronavirus.  E ta un golpi duro cu awor tin consecuencia pa semper pa 250 tienda na Merca y Canada.

   E di tercer trimester cu perdida, a cera dia 2 di Mei cu a pasa.  E compania cu pa colmo ta doño tambe di Bath & Body Works, a bisa cu nan a perde 296,9 miyon Dollar, compara cu un ganashi di 40,3 miyon Dollar den e mesun periodo di aña pasa.

   Pesey awor Victoria’s Secret tin planea di cera permanentemente como 250 tienda na Merca y Canada na 2020.  Nan tin pensa di cera 50 tienda di Bath & Body Works na Merca y 1 na Canada.

   E noticia aki a bin net un dia despues cu otro companianan tambe a anuncia decisionnan parecido.  Pier 1 Imports a divulga nan plan pa cera tur nan tiendanan, y JC Penney lo cera pa semper como 242 tienda pa cumpli cu su plannan pa sali di bancarota.

  

 

- Advertisement -

DUNA COMENTARIO

Please enter your comment!
Please enter your name here