Home Cultura UNOCA a lansa programa di alivio pa yuda esnan den sector cultural

UNOCA a lansa programa di alivio pa yuda esnan den sector cultural

112
0
SHARE
- Advertisement -

ORANJESTAD (AAN):  Unoca-Cares ta un programa incentivo pa stimula creatividad y brinda sosten na e comunidad artistico y cultural na Aruba den tempo di e pandemia di Covid-19. CARES ta para pa Covid 19 Aporte Rapido y Efectivo pa Sector Cultural (CARES).

Cu UNOCA CARES kier duna un aporte rapido y eficiente na e sector cultural Arubano y asina yuda e sector den e temponan aki di incertidumbre. E programa aki ta brinda e oportunidad na tur persona cu tin un idea pa ehecuta un proyecto cultural pa wordo financia cu un suma fiho di Afl. 2.000,00.

Pa un persona por haya e aporte aki tin algun rekisito, condicion nan entre nan:
*E peticion mester wordo entrega den forma di un video di maximo 5 minuut.

*Ultimo dia pa manda bo video ta dia 31 di mei 2020.

*Despues di ricibi e aprobacion di bo proyecto, bo tin 1 luna pa ehecuta y completa e proyecto.

*E proyecto mester cumpli cu tur reglamento impone pa gobierno regardando COVID-19.

*E proyecto mester cay bou di un of mas di e siguiente terenonan cultural: Herencia Cultural (Tangibel y Intangibel), Arte di tarima, musica y celebracion, Arte Visual y Artesania, Idioma y Literatura, Audio-Visual y Medianan interactivo, Diseño (moda, grafico, etc.)

*Preferibel pa haci uso di e idioma Papiamento.

E proyecto of idea mester ta accessibel pa un publico grandi (comunidad general di Aruba) y fomenta inclusion. Tambe e mester tin balor agrega na e desaroyo cultural di Aruba y mester ta di bon calidad y ta relevante pa e comunidad Arubano.

Si abo tin un idea, aplica awe mes! Pa aplica ta simpel y facil! Pa resumi, manda un video di maximo 5 minuut di bo mes presentando bo proyecto na: [email protected] of via WhatsApp na 660-3550. Agrega bo nomber, fecha di nacemento, number di telefon (WhatsApp) y e-mail den e mail of Whatsapp cu bo manda.

Ora bo traha bo video:

-Introduci bo mes

-Splica bo proyecto

-Describi bo proyecto en corto

-Bou cua tereno(nan) cultural bo proyecto ta cay?

-Kico ta e metanan di bo proyecto?

Tene cuenta cu e video no mester ta profesional traha of edita. Djis usa bo telefon pa graba bo video y mande pa nos. E video lo no wordo uza publicamente. Solamente personal y directiva di UNOCA lo mira esakinan.

Despues di manda bo video, bo lo ricibi contesta dentro di 2 dia si bo proyecto a wordo aproba of no. Hunto cu e contesta di aprobacion bo lo ricibi un contrato cu ta specifica e condicion nan general y specifico di e aprobacion di bo proyecto.

Unoca CARES ta keda pendiente pa ricibi tur boso videonan pa asina aporta na e comunidad artistico y cultural.

Un proyecto cu ta conta cu e sosten di Minister Di Cultura.

 

- Advertisement -

DUNA COMENTARIO

Please enter your comment!
Please enter your name here