Home Salud Un total di 45 di e 101 pashentnan di COVID-19 na Aruba...

Un total di 45 di e 101 pashentnan di COVID-19 na Aruba tabata tin por lo menos un malesa cronico

64
0
SHARE
- Advertisement -

ORANJESTAD(AAN): Diaranzon anochi durante e conferencia di prensa di COVID-19, Sharline Koolman di DVG a duna un presentacion riba morbididad, pa ilustra e cantidad di hende cu tabata tin COVID-19, mientras cu nan tabata tin tambe un enfermedad cronico.

“Morbididad ta ora cu bo tin 1 malesa cronico y si bo tin mas cu 1 bo ta papia di comorbididad”.

“Di e 101 personanan na Aruba cu tabata tin Coronavirus, 31 tabata tin un enfermedad cronico, mientras cu tabata tin 14 cu tabata tin mas cu 1 enfermedad cronico”, segun Koolman.

El a splica cu tabata tin 15.8% di e 101 casonan cu tabata tin otro enfermedadnan cu no ta cronico, manera Dyslipidemia, Alergia, problema di riñon, Demencia etc.

Tabata tin tambe 10.9% di e personanan infecta cu tabata tin presion halto.

Koolman a splica tambe cu 8.9% di e 101 personanan cu tabata tin e virus tabata tin un enfermedad relaciona cu curazon.

“No tabata tin hopi hende cu a wordo interna na hospital door di Coronavirus”.

“Di e 14 personanan cu a wordo interna den hospital, e grupo  mas grandi (6) tabata di edad di 45 pa 54 aña”.

“Na mundo mayoria di e hendenan cu a muri door di COVID-19 ta di edad riba di 70 pa 80 aña”.

“Na Aruba mayoria di esnan cu a wordo interna door di e virus tabata di edad relativamente hoben”, segun Koolman.

El a sigui bisa cu 46% di esnan cu a wordo hospitaliza na Aruba door di COVID-19 no tabata tin malesa cronico.

Di e 101 personanan cu a haya e virus, DVG di 59 caso por a saca afo for di unda e virus aki a bin, pues cua contacto a causa e virus.

Mayoria a wordo contagia den nan cas door cu un miembro di famia tabata tin e virus.

Cerca 26 di e casonan e fuente di contagio ta desconoci, mientras cu 14 di e personanan contagia cu COVID-19 tabata relaciona cu viahenan pa exterior.

Dos persona tabata tin contacto cu hendenan cu a viaha.

 

- Advertisement -

DUNA COMENTARIO

Please enter your comment!
Please enter your name here