Ta keda elimina Shelter-in-Place, Samenscholingsverbod y e cantidad maximo di persona den un establecimento

    1539
    0
    SHARE
    - Advertisement -

    Entrante dialuna 18 di Mei

    ORANJESTAD (AAN):  Despues di haci un analisis di e prome nivel di flexibilisacion, gobierno ta sinti cu ta suficientemente sigur pa por bay na e siguiente fase pa asina por sigui flexibilisa y suavisa e medidanan y poco poco recupera e economia bek.

    Minister Dangui Oduber den conferencia di prensa diabierna anochi a expresa cu Aruba tin mester di e recuperacion aki pero kier haci na e forma mas responsabel posibel y haci e flexibilisacion den un forma gradual.

    E mandatario a anuncia cu kico ta e medidanan cu ta wordo flexibilisa y entrante awe dialuna 18 di Mei ta elimina Shelter-in-Place, e Samenscholingsverbod y tambe e cantidad maximo di persona den un establecimento.

    El a remarca cu tur hende mester tene cuenta cu e protocolnan di distanciamento fisico, higiena y prevencion.

    Tur hende mester percura pa cumpli cu esaki ya cu Cuerpo di Polis tambe lo ta teniendo control.   Pues lo bay tin un cantidad grandi atrobe di hende riba caya, y automaticamente e control di Polis lo bay ta diferente.  No djis control riba establecimento, sino tambe riba trafico, e conducta di ciudadanonan, entre otro.

     

    - Advertisement -

    DUNA COMENTARIO

    Please enter your comment!
    Please enter your name here