Home Enseñanza Ta inicia cu proyecto piloto pa docente y studiantenan custumbra cu e...

Ta inicia cu proyecto piloto pa docente y studiantenan custumbra cu e normal nobo den enseñansa

584
0
SHARE
- Advertisement -

Dr. Van Trigt: Ya cu e situacion di Covid-19 ta stabiel

ORANJESTAD (AAN):   Ora di papia di habrimento di scol bek por constata cu tin hopi miedo door di falta di informacion.

Sinembargo, Dr. Joaquin Van Trigt  di Asociacion di Docternan di Cas a enfatisa cu mescos cu a evalua ora di e flexibilisa e medidanan relaciona cu Covid-19, lo haci mescos cu apertura di scol.

El a bisa cu comparando e flexibilidad pa habri scol cu e cifranan, e riesgo ta hopi mas chikito. Tin basta siman cu e casonan di Covid-19 ta stabiel, locual kiermen cu e riesgo ta abao. Pesey ta kere cu habrimento di scol no ta nifica un riesgo hopi grandi.

Tin protocolnan cu ta hopi stricto. Por mantene na e protocolnan y por traha un protocol propio unda por tene cuenta cu gruponan di riesgo. A consulta cu tur e expertonan pa bin cu un protocol cu ta mas safe pa tur hende sinti su mes cu nan no ta core riesgo ora nan bay bek scol, a remarca.

Van Trigt a sigui bisa cu mas cu claro distancia fisico lo keda importante pa mantene esaki tambe na scolnan ora nan habri. Lo mester percura a tin suficiente distancia entre e muchanan y e docentenan.

Ora di bay flexibilisa e medidanan y habri e economia bek, mester tene cuenta cu habri scolnan bek tambe. Na momento cu scolnan habri ta bay tene cuenta cu por ta lo bin casonan individual acerca di Coronavirus, pero ta ekipa  y DVG ta ekipa tambe pa monitorea y si tin casonan positivo pa tuma accion y haci e ‘contact tracing’ como tambe pone e persona den isolacion, Dr. Joaquin Van Trigt a señala.

Ya cu no tin casonan adicional den e dianan aki, por uza e temporada aki te ora cu dicidi di habri scol bek como un proyecto piloto. Ya cu e riesgo ta abao, lo pone tanto docente, mayor y studiantenan custumbra cu e situacion nobo unda mester tene cuenta cu distancia, laba man frecuentemente, etc.

Door cu e situacion ta stabiel ta net e momento bon pa custumbra cu e situacion nobo unda ta bay tin un distancia entre e bankinan di scol, higiena, entre otro. Aworaki ta un bin momento pa pone tur hende custumbra pa ora scol habri bek na Augustus, e medico a duna di conoce.

Riba potret, algun di e medidanan cu algun scol a implementa caba den e periodo aki di examen.

- Advertisement -

DUNA COMENTARIO

Please enter your comment!
Please enter your name here