Home Policial Security camera a capta ladron cu a drenta Hamaka Sidewalk Cafe

Security camera a capta ladron cu a drenta Hamaka Sidewalk Cafe

464
0
SHARE
- Advertisement -

ORANJESTAD (AAN): Tabata Diadomingo mainta cu Polis a ser manda pa check un caso di kiebro na un negoshi di cuminda.

   Central di polis a dirigi patruya Oranjestad na Hamaka Sidewalk Café na Plaza Turismo pa kiebro.

   Na yegada, polis a papia cu e comerciante di inicial v.O., kende a declara, di ta doño di e localidad Hamaka Sidewalk Café.

   Riba Diadomingo pa banda di 2’or di atardi, tabata ultimo biaha cu e tabata na e negoshi, y a bay lage intacto, cu tur porta na lock, y rolliuk baha sigur.

   Dialuna mainta algo pasa di 6’or el a yega na Hamaka pa asina habri e negoshi bek pa su prome dia di bendemento bao di Nivel 2 di reapertura di economia.

   Su bista mesora a bay riba e rolluik cu tin na banda robez di e edificio.  El a nota cu nan a forza esaki te cu a rek esaki un banda, usando un banchi elastico cu un banda ta poni na rand di e rolluik, y e otro banda na e balki di palo di dak.

   El a rek y tira un bista paden, y a ripara cu e Caha di Placa ta bashi na suela.  E caha aki tabata contene placa larga, alrededor di 200 Florin.

   El a cana bay patras di e negoshi, y a mira cu nan a kibra e porta di baño di damas.  El a wak eyden, y a nota cu un Samsung TV di 55” cu tin poni eyden, a wordo horta.

   El a bay controla su empresa, y a bin nota cu ladron a bay cu 4 botter di Grey Goose Vodka di 1 liter cada uno, y tambe nan a bay cu 1 botter di Absolut Vodka di 1 liter.  Diripiente e ladron a haya sed, y el a habri un cooler y saca un botter di juice pa bebe.

   Polis a ripara cu tin basta rastro laga atras, incluyendo vingerprint valioso na e botter di juice cu el a laga atras, y tambe na e rollluik tabatin hopi marca di vingerprint fresco.

   Mesora a notifica personal forensico di BFTO cu a yega cu nan material pa asina recoge tur vingerprint cu a ser laga atras.   Debi na tur esaki, e negoshi no por a habri oficialmente riba su prome dia di re-apertura.

  Hecho ta cu ladron no sa cu tin security videocamera ta graba constantemente.  Tene cuenta si e dianan aki un hende ta ofrecebo un Samsung TV di 55” na benta, of botternan di 1 liter di Grey Goose of Absolut na prijs di baca flaco.

   Polis a haya copia di e video tambe pa asina cuminza cu investigacion.  Si acaso abo ta reconoce e ladron riba e imagennan aki, por yama Tipline di Polis na 111-41.

- Advertisement -

DUNA COMENTARIO

Please enter your comment!
Please enter your name here