Home Tempo Pronostico cu temporada di Horcan 2020 lo bay ta mas activo cu...

Pronostico cu temporada di Horcan 2020 lo bay ta mas activo cu normal

138
0
SHARE
- Advertisement -

ORANJESTAD (AAN): Algun siman prome cu e comienzo oficial di Temporada di Horcan 2020, expertonan na Colorado State University na Merca ta manda advertencia cu e biaha aki e lo bay ta mas activo cu normal.

   Den Caribe, e grupo conoci como CSU Tropical Weather Project ta anticipa cu por lo menos 16 tormenta cu nomber lo forma, y bientonan lo tin rafaga riba di 100 km/h of mas.

   Di esey nan ta pronostica cu lo tin ocho horcan, y cuatro di nan lo cay den categoria di “horcan grandi” cu biento di mas di 180 km/h.

   “Nos ta anticipa cu e temporada di Horcan 2020 riba Atlantico lo tin mas actividad cu normal,” ta loke Dr. Phil Klotzbach a bisa.  E ta lider di e team, y el a anota cu esaki lo bay ta den 30 aña mas halto di e promedio di 12 tormenta pa aña, seis horcan pa aña, di cual 3 lo bira horcan grandi.

   E pronostico di Colorado State University tabasa riba mas di 30 aña di factor di statistica, combina cu data di e temporada cu ta mustra caracteristicanan similar di presion na nivel di lama, y temperaturanan di superficie di lama basa riba data di 1981 te cu 2020.

   Na 2019, Colorado State University a pronostica corectamente cu e temporada di horcan lo bay ta mas abao cu e promedio ey.

   Pa 2020, e nombernan cu Horcan lo haya ta Arthur, Bertha, Christobal, Dolly, Edouard, Fay, Gonzalo, Hanna, Isaias, Josephine, Kyle, Laura, Marco, Nana, Omar, Paulette, René, Sally, Teddy, Vicky, y Wilfred.

 

- Advertisement -

DUNA COMENTARIO

Please enter your comment!
Please enter your name here