Home Religion y Espiritualidad Portanan di misa di Pro-Catedral San Francisco di Asis ta habri awe...

Portanan di misa di Pro-Catedral San Francisco di Asis ta habri awe bek

71
0
SHARE
- Advertisement -

ORANJESTAD (AAN)- Pastoor Stanislaw ta informa cu despues di 2 luna cu a stop di celebra Misa pa e pueblo, Pro-Catedral San Fracisco di Asis lo habri porta di misa bek pa e fielnan awe diamars 19 di Mei.

Pastoor ta invita rumannan pa asisti na Santa Misa awe diamars pa 7’or di anochi. Orarionan di Misa a wordo adapta pa asina tin suficiente tempo pa por desinfecta e misa después di cada celebración.

E orarionan nobo ta lo siguiente: Diadomingo tin 5 Misa (un adicional): 7:00 A.M. – 9:00 A.M. – 11:00 A.M – 5:00 P.M. y
7:00 P.M. Dialuna: 8:45 A.M. (esaki a keda mes un cos).

Diamars te cu Diabierna: 7:00 P.M.
Diasabra tin 2 Misa (un adicional) 5:00 P.M. y 7:00 P.M.

Santa Misa na Madiki ta cancela te cu proximo aviso. Lugarnan den misa ta limita y lugar di sinta lo wordo asigna pa Usher.

Teniendo cuenta cu e distancia social di 1.5 meter, nos por acomoda solamente 130 hende den Misa. Asina cu yega e cantidad maximo aki, cu duele na curason no por admiti mas hende den Misa.

Misa tambe tin cu tene na protocol di gobierno cu ta e.o distancia social y higiena. Tin handsanitizer na entrada di Misa, pa tur e fielnan.

Lo haci uso solamente di entrada principal pa tur esnan cu ta desea di asisti na Santa Misa. No lo tin awa bendita na entrada, y no lo duna paz y santa comunion lo wordo duna den man.

Tur esnan cu ta sinti malo pa porfabor keda cas. Tur intencion di Misa mester wordo entrega no mas laat cu 15 minuut prome cu Misa cuminsa na pastorie.

Tambe ta informa cu lo cuminsa tuma inscripcion pa bautismo cu lo tuma lugar día 28 di juni (lugar pa bautismo tambe ta limita).

Tur procedura lo splica prome cu Santa Misa y ta pidi desde awor compresion y cooperacion pa cu esaki.

- Advertisement -

DUNA COMENTARIO

Please enter your comment!
Please enter your name here