Home Gobierno Polisnan a dicidi den reunion cu ta cuminza cu accion di morocoy

Polisnan a dicidi den reunion cu ta cuminza cu accion di morocoy

1282
0
SHARE
- Advertisement -

ORANJESTAD (AAN): Diamars mainta, tanto Ministro Andin Bikker como tambe Ministro di Finanzas Xiomara Maduro, a reuni cu Sindicato SPA pa asina discuti riba preocupacion di e miembronan, esta Agentenan Policial.

   Polisnan tabatin un mensahe cla y raspa pa Gobierno!  Nan ta desmenti e informe cu “nan no kier entrega”.  Pero principalmente nan ta defende e hecho, cu nan no ta acepta e forma cu Gobierno kier pa nan entrega.   Polisnan ta insisti pa Gobierno no kita 5% for di nan salario bruto, como cu nan ta opina cu ey bo ta violando ley.

   Gobierno ta wordo hinca den un skina, pasobra como condicion principal pa por a haya e prestamonan tipo ‘zachte lening’ for di Den Haag, ta cu tin di corta den salario di tur trahador publico, y tambe den henter Gobierno.

   Representantenan di Sindicato SPA a bay bek na nan seno pa check kico miembronan ta opina riba esaki, y na final a duna Directiva di e Sindicato, un total di 2 mandato pa traha riba dje.

   Uno ta un mandato pa reuni cu Conseheronan Medico pa asina por check kico mas por haci.

   Di dos mandato ta pa tur Polis na Aruba cuminza cu un asina yama ‘accion di morocoy’.

   E accion di morocoy ta nifica cu Polisnan lo sigui traha y reacciona pa tur caso di emergencia, accident, y demas accion urgente.

   Sinembargo pa otro asunto, incluyendo casonan administrativo of situacionnan cu no ta di emergencia, lo bay tarda hopi prome cu bo ricibi asistencia.

   Sindicato SPA ta suplica pueblo pa tene compasion y comprension pa nan accion di morocoy.  Simplemente bisa, polisnan ta bringando pa e derecho di tur agente y pa nan no perde nada di esaki.  Si Gobierno tin di corta vet, tin hopi otro lugar unda por haci esaki, y Polisnan no ta acepta cu net den salario di nan kier bay corta 5%.

- Advertisement -

DUNA COMENTARIO

Please enter your comment!
Please enter your name here